جاپان کی منفرد کمپنی میں بلیاں اعلیٰ عہدوں پر فائز

دفاتر، کافی شاپس، ریسٹورنٹس اور ہوٹلوں میں پالتو جانوروں کی موجودگی آج کل معمولی بات ہے لیکن جاپان کی ایک کمپنی نے بلیوں کو باقاعدہ کمپنی میں اعلیٰ عہدوں پر ملازمت دی ہوئی ہے جو کہ یقیناً ایک حیران کن بات ہے۔

غیر ملکی میڈیا کی ایک رپورٹ کے مطابق جاپان کی ایک کمپنی’کیو نوٹ‘ میں بلیاں اعلیٰ عہدوں پر فائز ہیں۔

اس کمپنی نے 2004ء میں سوشی ریسٹورنٹ سے ایک بلی کو گود لیا تھا اور آب اس کمپنی میں 10 بلیاں ملازم ہیں جو آفس میں ہی رہتی ہیں اور ان بلیوں کو آفس میں رکھنے کے لیے کمپنی میں خصوصی انتظامات بھی کیے گئے ہیں۔

سمندر کے اندر بلند و بالا پہاڑ دریافت

سمندری ماہرین نے سمندر کے اندر 3 ہزار 109 میٹر بلند پہاڑ دریافت کر لیا۔

اس کمپنی میں بلیوں کے علاوہ 32 انسان بھی ملازمت کرتے ہیں جنہیں ان بلیوں کی آفس میں موجودگی پسند ہے۔

جب 2020ء میں یہ کمپنی ایک بڑی 4 منزلہ عمارت میں منتقل ہوئی تو کمپنی کی انتظامیہ نے بلیوں کے لیے جگہ کو آرام دہ بنانے کے لیے پوری کوشش کی، یہاں تک کہ عمارت کی دوسری اور تیسری منزل میں بلیوں کے لیے خصوصی طور پر کافی ساری تبدیلیاں کی گئیں۔

اس کمپنی کے آفس میں بلیوں کے لیے 12 باتھ روم اور کیٹ شیلف بنائے گئے ہیں اور دیواروں پر ایسا پینٹ کیا گیا ہے جو بلیوں کے پنجے مارنے سے خراب نہ ہو۔

121 سال پرانے خط نے کس طرح بچھڑے خاندان کو ملا دیا؟

آج کے اس ترقی یافتہ دور میں جدید سہولتوں کی مدد سے دنیا کے ایک کونے سے دوسرے کونے میں رابطہ کرنا ممکن ہوگیا ہے، لیکن ہمیشہ سے ایسا نہیں تھا۔

بلیوں کو کمپنی میں بطور پالتو جانور نہیں رکھا گیا بلکہ انہیں باقاعدہ اعلیٰ عہدوں پر ملازمت بھی دی ہوئی ہے۔

کمپنی میں جن اعلیٰ عہدوں پر یہ بلیاں فائز ہیں وہ جیسے کہ چیف کلرک، منیجر، آڈیٹر یہاں تک کہ 20 سالہ فوتابا نامی بلی ’چیئر کیٹ‘ کے عہدے پر فائز ہے اور کمپنی کے باس نوبیوکی سوروتا سے بھی سینئر ہے۔

ابتدائی طور پر اس آفس میں 11 بلیاں تھیں لیکن ان میں سے ایک کا 2022ء میں انتقال ہو گیا تھا۔

ابھی ان 10 بلیوں میں سے 8 دفتر میں جبکہ 2 بلیاں ایک ملازم کے ساتھ اس کے گھر پر رہتی ہیں۔

یہ بلیاں کمپنی کے ملازمین کے آپس میں تعلقات کو بہتر بنانے میں مدد فراہم کرتی ہیں جبکہ ملازمین ان کے کھانے پینے اور صفائی کا خیال رکھتے ہیں۔