کراچی (اسٹاف رپورٹر) پاکستان اسپورٹس بورڈ نے پچھلے پانچ سال میں مختلف اسپورٹس فیڈریشنوں کو ایک ارب سے زائد کی گرانٹ جاری کی، پی ایس بی نے مالی سال 2019-20 سے 2023-24 تک کے فنڈز کی تفصیلات ویب سائٹ پر جاری کردیں۔ جس کے مطابق ہاکی فیڈریشن کواس دوران 10 کروڑ 36 لاکھ، پچھلے سال 5 کروڑ 90 لاکھ اور ایتھلیٹکس فیڈریشن کو 10 کروڑ روپے کے قریب رقم فراہم کی گئی۔ 2023-24 میں والی بال فیڈریشن کو 10 کروڑ، جبکہ 5 سال میں ساڑھے 11 کروڑ روپےسے زائد فنڈز ملے، ایتھلیٹکس فیڈریشن کو 2023-24 میں 7 کروڑ ، نیٹ بال فیڈریشن کو 7 کروڑ اور پچھلے 2 سال میں ساڑھے6کروڑ ، ٹینس فیڈریشن کو 4 کروڑ 86 لاکھ روپے دیے گئے ۔