کوئٹہ( پ ر)پاکستان مسلم لیگ (ن) ضلع کوئٹہ کے صدر سردار سحر گل خلجی ‘ جنرل سیکرٹری جاوید اقبال اعوان ‘سینئر نائب صدر ارباب اقبال کاسی، و دیگر نے بیان میں کہا ہے کہ قائداعظم کے اصولوں پر عمل پیرا ہونے کی جتنی ضرورت آج ہے شاید پہلے کبھی نہ تھی۔قائد اعظم محمد علی جناح کی 76 ویں برسی پر انہوں نے کہا کہ انتھک جدوجہد، غیر متزلزل عزم، بلند حوصلہ اور ایمانداری قائد اعظم کی شخصیت کو ممتاز کرتے ہیں، قائد اعظم کی جرأت مندانہ قیادت کے بغیر آزاد وطن کا خواب کبھی شرمندہ تعبیر نہ ہوتا۔انہوں نے کہا کہ قائد اعظم کا یہ احسان تاقیامت نہیں اتار سکتے کہ آج ہم بحیثیت قوم آزاد وطن میں سانس لے رہے ہیں۔انہوں نے کہا کہ ہمیں یہ عزم کرنا چاہئے کہ قائد اعظم کے اصولوں کے مطابق ترقی اور استحکام کیلئے ذمہ داریاں پوری کریں گے۔درایں اثناء انہوں نے سابق خاتون اول اور پاکستان مسلم لیگ (ن) کے صدر محمد نواز شریف کی اہلیہ کلثوم نواز کی چھٹی برسی پر ان کو خراج عقیدت پیش کیا۔ انہوں نے کہا کہ کلثوم نواز نے بطور اہلیہ، ماں، بہن اور سیاسی قائد، جرأت و بہادری اور صبر و استقامت کی ناقابل فراموش تاریخ لکھی۔ قائدنواز شریف کے لئے وہ ایک فولادی ڈھال تھیں،آمریت کے خلاف ان کی قابل فخر اور یادگار تحریک سیاسی تاریخ کا روشن باب ہے۔
فرمان الہی
نماز کے اوقات
