پنجاب کے گلابی نمک کا خزانہ کوڑیوں کے بھاؤ نہیں بکنے دیں گے، مریم نواز

لاہور(خصوصی نمائندہ)وزیر اعلیٰ پنجاب مریم نواز شریف نے پنک سالٹ کی ایکسپورٹ پر پیش رفت کیلئے جامع پلان طلب کرلیا ، خام پنک سالٹ کی برآمد پر پابندی کے لئے اقدامات اور کان کن ورکروں کی سیفٹی یقینی بنانے کے احکامات دیدیے، وزیر اعلیٰ کی زیر صدارت اجلاس میں پنک سالٹ سے ریونیو حاصل کرنے کے لئے تجاویز ، معدنیات کے حصول کے لئے جدید ٹیکنالوجی کے استعمال اور پنک سالٹ کے لئے ویلیوایڈڈ انڈسٹری لگانے کے پلان تیار کرنے کا بھی جائزہ لیا گیا۔ وزیر اعلیٰ نے کہا کہ گراں قدر ملکی ذخائرکوڑیوں کے بھاؤ نہیں بکنے دیں گے۔ پاکستان کے لئے پنک سالٹ خزانے کے مترادف ہے، وزیر اعلیٰ نے گجرات میں بس کی زد میں آکرڈیوٹی کے دوران 2 پولیس اہلکاروں کے جاں بحق ہونے پر سوگوار خاندانوں سے ہمدردی و تعزیت کا اظہار کیا اور واقعہ کی تحقیقات کر کے ذمہ دار کے خلاف سخت کارروائی کا حکم دیا ہے۔