فرمان الہی
نماز کے اوقات
کراچی (اسٹاف رپورٹر) پاکستان کرکٹ بورڈ نے سالانہ اپریزل کے عمل کے بعد 2024-25 کرکٹ سیزن کیلئے ملک بھر سے میچ آفیشلز کا اعلان کردیاہے۔ ایلیٹ پینل آف میچ ریفریز میں کوئی تبدیلی نہیں کی گئی ہے ۔سلیمہ امتیاز آئی سی سی انٹرنیشنل پینل آف ڈیولپمنٹ امپائرز میں نامزدہوگئی ہیں۔احمد شہاب، خالد محمود سینئر، رانا محمد ارشد اور قیصر وحید کو سپلیمنٹری سے ایلیٹ پینل آف امپائرز جبکہ انصر محمود جمشید اقبال، نصیر احمد اور ذیشان عارف سپلیمنٹری پینل میں ترقی کرگئے ۔ میچ ریفریز پینل میں علی نقوی ، محمد جاوید ملک، انٹرنیشنل پینل آف امپائرز میں علیم ڈار، آصف یعقوب ، فیصل خان آفریدی ، راشد ریاض وقار، انٹرنیشنل پینل آف ڈیولپمنٹ امپائرز میں سلیمہ امتیاز، ایلیٹ پینل آف میچ ریفریز میں علیم خان موسیٰ ، اطہر لئیق ، افتخار احمد، ایلیٹ پینل آف امپائرز میں ، آل حیدر ، عمران جاوید ، خالد محمود سینئر ، سید امتیاز اقبال، سپلیمنٹری پینل آف میچ ریفریز میں، احمر سعید، علی گوہر ، محمد امیر الدین انصاری ، سپلیمنٹری پینل آف امپائرمیں عقیل عادل خان ، سید فہیم احمد بخاری، ڈویلپمنٹ پینل آف امپائرمیں ، عبدالقیوم ، عاصم علوی ، شاہد اسلم بھی شامل ہیں۔
