کراچی( اسٹاف رپورٹر) پاکستانی خواتین نیٹ بال ٹیم بھارت میں ایشین نیٹ بال چیمپئن شپ میں شرکت کرے گی۔ جو 18 سے 27 اکتوبر تک بنگلورو میں کھیلی جائے گی ، پاکستان اسپورٹس بورڈ نے ٹیم کو این او سی جاری کردیا ہے۔ فیڈریشن نے بھارتی ویزوں کے لیے درخواست جمع کرادی ہے ۔ چیمپئن شپ میں پاکستان کے 5 آفیشلز اور 12 کھلاڑی حصہ لیں گے اور فیڈریشن نے چیمپئن شپ کے اخراجات کا بجٹ پاکستان اسپورٹس بورڈ کو بھیج دیا ہے ۔ کیمپ فنڈز ریلیز ہونے کے بعد لگایا جائے گا۔