• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاپتا افراد کیس، وزیراعلیٰ علی امین گنڈا پور پشاور ہائی کورٹ میں پیش

آج کا اخبار
اہم خبریں
01 اکتوبر ، 2024
پشاور(نمائندہ جنگ)لا پتا افراد کیس میں وزیر اعلی گنڈا پورپشاور ہائیکورٹ میں پیش ہو گئے۔چیف جسٹس پشاور ہائیکورٹ جسٹس اشتیاق ابراہیم نے ضمانت پر رہا ہونے والے حوالاتی کی دوبارہ گرفتاری پر برہمی کا اظہار کرتے ہوئے وزیراعلی علی امین گنڈا پور کو عدالت طلب کیا ، چیف جسٹس نے ریمارکس دیئے کہ لوگوں کو بار بار کیوں گرفتار کیا جارہا ہے، جب ایک کیس میں ضمانت ہوجائے تو پھر کیسے کسی کو جیل کے باہر سے گرفتار کرتے ہیں یہ عدالت کے فیصلے کی خلاف ورزی ہے یہ ایک کیس نہیں، ایسے اور بھی کیسز ہے جن میں ضمانت ہونے کے بعد لوگوں کو اٹھایا جاتا ہے ۔وزیر اعلیٰ نے بتایا کہ وہ خود اس کے خلاف ہیں اور ان کی جماعت اور وہ خود اس سے متاثر ہیں ہم پولیس ایکٹ میں اس کے خلاف تبدیلی لا رہے ہیں ، کمیٹی بنائی ہے ایسے معاملات کو دیکھتی ہے۔
اہم خبریں سے مزید