• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انصاف کا جنازہ نہ نکالیں‘ شاہ محمود قریشی کا بلاول بھٹو کو خط

آج کا اخبار
اہم خبریں
04 اکتوبر ، 2024
لاہور ( این این آئی) تحریک انصاف کے رہنماشاہ محمود قریشی نے پیپلزپارٹی کے چیئرمین بلاول بھٹو سے کہاہے کہ انصاف کا جنازہ نہ نکالیں ‘ مشاورت کے بغیر آئینی عدالت کا قیام پی سی او کورٹ کے متراد ف ہو گا، بلاول بھٹو پارلیمنٹ کی منشا کے بغیر 26ویں آئینی ترمیم مسلط نہ کریں۔ مجوزہ آئینی ترمیم کے حوالے سے شاہ محمود قریشی نے جیل سے چیئرمین پیپلزپارٹی بلاول بھٹو کے نام مکالمہ جاری کردیا، مکالمے کا عنوان ’’1973کے متفقہ آئین کو آگ نہ لگ جائے بھٹو کے چراغ سے ‘‘ رکھا گیا ہے۔ مکالمے میں شاہ محمود قریشی نے کہا کہ مجھے بلاول کی نیت پر شک نہیں‘ میں بلاول کی میثاق جمہوریت کے ساتھ کمٹمنٹ کے حوالے سے آگاہ ہوں لیکن قوم اس آئینی ترمیم کی ٹائمنگ کو شک کی نگاہ سے دیکھ رہی ہے۔
اہم خبریں سے مزید