• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عالمی برادری مقبوضہ کشمیر اور فلسطین میں جنگی جرائم کے خاتمے کیلئے کردار ادا کرے‘ پاکستان

آج کا اخبار
اہم خبریں
13 اکتوبر ، 2024
اقوام متحدہ(کے پی آئی)پاکستان نے عالمی برادری پر زور دیا ہے کہ وہ مقبوضہ کشمیر اور فلسطین میں ہونے والے جنگی جرائم کے خاتمے کیلئے کردار اداکرے۔ اقوام متحدہ کی جنرل اسمبلی کی چھٹی کمیٹی میں انسانیت کے خلاف جرائم پر بحث کے دوران عالمی ادارے میں پاکستان کے نائب مستقل نمائندے عثمان اقبال جدون نے مقبوضہ کشمیر میں سنگین ناانصافیوں کے ذمہ داروں کو حاصل استثنی کے خاتمے کی فوری ضرورت پر زوردیا۔انہوں نے کہا کہ انسانیت کے خلاف جرائم انسانی حقوق کی سنگین ترین خلاف ورزیوں میں سے ایک ہیں، جو بین الاقوامی برادری کے لیے ایک چیلنج ہیں۔ عثمان اقبال نے مزید کہا کہ پاکستان کو فلسطین میں جاری قبضے، جبر اور تشدد کے سلسلے پر گہری تشویش ہے۔انہوں نے کہا کہ اسرائیل کی طرف سے فلسطینی عوام کی نسل کشی کی خوفناک جنگ کا ایک سال مکمل ہو گیا ، غزہ میں انسانی بحران بدستور سنگین تر ہوتا جا رہا ہے،پاکستانی سفیر نے زور دے کر کہا کہ اسرائیلی قابض فورسز کے غیر انسانی اقدامات ناقابل قبول ہیں۔
اہم خبریں سے مزید