• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور کے نجی کالج میں طالبہ سے مبینہ زیادتی کیخلاف مختلف شہروں میں طلبہ کا احتجاج

میرا شہر
ملتان
16 اکتوبر ، 2024
ملتان/وہاڑی/کبیروالا/جہانیاں( سٹاف رپورٹر/نمائندہ جنگ/ نامہ نگاران ) لاہور کے نجی کالج میں طالبہ سے مبینہ زیادتی کے خلاف ملتان سمیت جنوبی پنجاب کے مختلف شہروں میں طلبہ کا احتجاج اور توڑ پھوڑ، متعدد طلبہ گرفتار ، احتجاج کے خوف سے وہاڑی کیمپس کو تالے لگا دیے گئے، تفصیلات کے مطابق گزشتہ روز لاہور کے نجی کالج میں زیر تعلیم طالبہ ام حبیبہ کے ساتھ مبینہ زیادتی کے خلاف ملتان کے تھانہ ممتاز آباد ،لوہاری گیٹ اور گلگشت کے مختلف علاقوں میں طلبا و طالبات نے احتجاجی مظاہرے کیے اور ریلیاں نکالیں، گندہ نالہ پنجاب کالج میں احتجاجی مظاہرہ کرنے والے طلبا و طالبات نے دفاتر اور کلاس رومز میں توڑ پھوڑ کی، بس کے شیشے توڑ دیے، دریں اثنابوسن روڑ پر مظاہرہ کرنے والے طلبہ پر پولیس نے دھاوا بول کر متعدد کو گرفتار کرلیا اور رشید آباد سے بھی پولیس نے متعدد طلبہ کو حراست میں لے لیا، گرفتار طلبہ کو پولیس نے نامعلوم مقام پر منتقل کردیا، دوسری جانب طلبہ کے احتجاج کے خوف سے وہاڑی کیمپس کو تالے لگا دئیے گئے،گزشتہ روز وہاڑی کیمپس مکمل طور پر بند رہا اور آج بھی بند رہے گا،، جہانیاں میں بھی طالبہ سے مبینہ زیادتی کے خلاف مختلف کالجز کے طلبہ نے احتجاجی ریلی نکالی، طلبہ نے میونسپل کمیٹی چوک پر روڈ بلاک کرکے احتجاج کیا اور شدید نعرہ بازی کی ، طالبہ سے مبینہ زیادتی کے خلاف کبیروالا کے سیکڑوں طالب علموںنے احتجاجی ریلی نکالی اور جھنگ روڈبلاک کر دیا جس کے باعث روڑ پر گاڑیوں کی لمبی قطاریں لگ گئیں،طلبہ نےمطالبہ کیا کہ واقعےمیں ملوث افراد کو پھانسی پر لٹکایا جائے، مظاہرین نے حکومت پنجاب اور کالج انتظامیہ کے خلاف زبردست نعرے بازی کی۔
ملتان سے مزید