لاہور(نیوزرپورٹر)صوبائی وزیر کھیل فیصل ایوب کھوکھر نے کہاہے کہ اسپورٹس پروگرامز کے ذریعے نیا ٹیلنٹ آگے لائیں گے،حکومت نوجوانوں کو معیاری تعلیم کی فراہمی کے ساتھ ساتھ غیر نصابی سرگرمیو ں میں بڑھ چڑھ کر حصہ لینے کیلئے مواقع فراہم کررہی ہے، کھیلتا پنجاب اور لاہور یوتھ فیسٹول اس سلسلے کی اہم کڑی ہے - انہو ں نے کہاکہ گراؤنڈ آباد ہوتے ہیں تو ہسپتال ویران ہوجاتے ہیں -ان خیالات کااظہار انہو ں نے آج نجی یونیورسٹی کے ہائی پرفارمنس سنٹر میں لاہور قلندرزکیلئے منعقدہ ٹیلنٹ ہنٹ پروگرام میں میڈیا کے نمائندوں سے گفتگو کرتے ہوئے کیا -