• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ‘ مشرقی بائی پاس میں ٹکی ٹافی بنانیوالا غیرقانونی کارخانہ سیل

میرا شہر
کوئٹہ
26 اکتوبر ، 2024
کوئٹہ(خ ن)ناقص خوراک کے تدارک کیلئے بلوچستان فوڈ اتھارٹی کی کھانے پینے کے مراکز اور کارخانوں کے خلاف بلا امتیاز کارروائیاں جاری ہیں ۔ اتھارٹی ٹیموں نے اس ضمن میں مشرقی بائی پاس کوئٹہ میں ناقص و مضر صحت ٹکی ٹافی بنانے والا ایک غیر قانونی کارخانہ سربمہر جبکہ قوانین کی خلاف ورزی پر کوئٹہ ، ڈھاڈر ، لورالائی اور گوادر میں 20 سے زائد خوراک کے مراکز مالکان پر جرمانے عائد کئے ۔ ترجمان بی ایف اے کے مطابق پلمیٹ کارخانہ میں صفائی و نکاسی آب کے انتظامات انتہائی ناقص ، یونٹ کی دیواریں گندی ، مشینری آلودہ و جراثیم زدہ جبکہ ہوا کی آمد و رفت کے انتظامات نامناسب پائے گئے۔ کارخانہ میں تیار کردہ ٹکی ٹافیوں پر تیاری و تاریخ تنسیخ ظاہر نہیں کی گئی تھی جبکہ پلمیٹ کی تیاری میں زیر استعمال کلرز ، کیمیکل و دیگر اجزا نان فوڈ گریڈ ، تمام مصنوعات غیر رجسٹرڈ شدہ اور پراسیسنگ میں زیر استعمال پانی آلودہ پایا گیا ۔فیکٹری کے ملازمین کی ذاتی صفائی کی حالت ابتر اور فٹنس سرٹیفکیٹ ماسک ، ہیڈ کورز وغیرہ بھی موجود نہیں تھے۔ علاوہ ازیں کوئٹہ ، ڈھاڈر ، لورالائی اور گوادر میں جرمانہ کئے گئے مراکز میں کوکنگ آئل کمپنی ، نمکو کارخانے ، بیکنگ یونٹ اور جنرل ڈیپارٹمنٹل اسٹورز شامل تھے جن سے ایکسپائرڈ و پابندی عائد مصنوعات کی بڑی مقدار ضبط کی گئی ۔
کوئٹہ سے مزید