فرمان الہی
نماز کے اوقات
کراچی (اسٹاف رپورٹر) قائداعظم ٹرافی کرکٹ ٹورنامنٹ کے پہلے راؤنڈ کے آخری دن لاہور وائٹس ، ڈیرہ مراد جمالی ، حیدرآباد ، بہاولپوراور سیالکوٹ نے اپنے میچز جیت لیے۔ پشاور کے صاحبزادہ فرحان نے میچ کی دونوں اننگز میں سنچریاں اور سیالکوٹ کے محسن ریاض نے ڈبل سنچری بنائی۔ اسلام آباد میں لاہور وائٹس نے فیصل آباد کو 5 وکٹوں سے ہرادیا۔چارسدہ میں کراچی وائٹس اور پشاور کا میچ ڈرا ہوگیا۔ پشاور نے اپنی دوسری اننگز میں 3وکٹوں پر 360رنز بنائے۔ صاحبزادہ فرحان نے دوسری اننگز میں134رنز بنائے ۔ انہوں نے پہلی اننگز میں100رنز بنائے تھے۔ راولپنڈی میں راولپنڈی اور ملتان کا میچ ڈرا ہوگیا۔ امام الحق 160، محمد شہزاد نے 111رنز اسکور کیے۔ ایبٹ آباد اسٹیڈیم میں بہاولپور نے آزاد جموں کشمیر کو 3 وکٹوں سے ہرادیا۔ گوجرانوالہ میں سیالکوٹ نے فاٹا کو 10 وکٹوں سے ہرادیا۔ سیالکوٹ نے فاٹا کے 391 رنز کے جواب میں اپنی پہلی اننگز 535 رنز 8 کھلاڑی آؤٹ پر ڈکلیئر کردی۔ محسن ریاض نے 204 رنز ناٹ آؤٹ کی شاندار اننگز کھیلی۔
