فرمان الہی
نماز کے اوقات
حکومتِ کینیڈا نے پاکستان کے معروف موٹیویشنل اسپیکر قاسم علی شاہ کو کنگ چارلس پِن ایوارڈ سے نوازا ہے۔
پاکستانی نژاد کینیڈین رکنِ پارلیمنٹ شفقت علی نے ٹورنٹو میں ایک تقریب میں قاسم علی شاہ کو اعزازی پِن اور سرکاری سرٹیفکیٹ پیش کیا۔
اس موقع پر قونصل جنرل آف پاکستان خلیل باجوہ بھی موجود تھے۔
رکنِ پارلیمنٹ شفقت علی اور قونصل جنرل خلیل باجوہ نے قاسم علی شاہ کو اس کینیڈین اعزاز پر مبارک باد پیش کرتے ہوئے کہا کہ لوگوں کے رویوں میں مثبت تبدیلی خیر کا کام ہے۔
تقریب میں احمر فاروقی، فرحان ابصار، بدر منیر چوہدری اور ارسلان سید نے بھی اپنے خیالات کا اظہار کیا۔
واضح رہے کہ قاسم علی شاہ مختلف تقریبات میں شرکت کے لیے کینیڈا کے دورے پر ہیں۔
