• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی اسلام آباد، 3 اشتہاریوں سمیت 10 ملزمان گرفتار چرس و شراب برآمد

میرا شہر
اسلام آباد
11 نومبر ، 2024
راولپنڈی(سٹاف رپورٹر ) راولپنڈی پولیس نے 4ملزموں کو گرفتار کرکے 2کلو گرام سے زیادہ چرس اور 30 لیٹر شراب برآمد کرلی ،تھانہ جاتلی پولیس نے ملزم عنصر سے ایک کلو240گرام چرس ، وارث خان پولیس نے ملزم آصف سے 550 گرام چرس ،کینٹ پولیس نے ملزم وقاص سے 300گرام چرس جب کہ تھانہ آر اے بازار پولیس نے ملزم ندیم سے 30 لیٹر شراب برآمد کر کے ملزمان کے خلاف الگ الگ مقدمات درج کر لیے۔ادھراسلام آباد پولیس نے گزشتہ 24گھنٹوں کے دوران 3اشتہاری،عدالتی اور عادی مجرمان سمیت 6جر ائم پیشہ عناصر کوگرفتار کرکے منشیات اور شراب برآمد کرلی ، تھانہ نون ، تھانہ لو ہی بھیر اور تھانہ بنی گالہ پولیس ٹیموں نے ملزمان محمد یاسر،طاہر مسیح اور امیر حمزہ کو گرفتار کرکے ان کے قبضہ سے 560 گرام ہیروئن اور شراب برآمد کرلی، گرفتار ملزمان کے خلا ف مقدما ت درج کر لئے گئے۔،جبکہ اشتہاری، عدالتی اور عادی مجرمان کی گرفتاری کے لیے جا ری خصوصی مہم کے دوران سنگین جرائم میں ملوث تین مجرمان کی گرفتار ی بھی عمل لائی گئی۔
اسلام آباد سے مزید