دبئی ( سبط عارف ) آئی سی سی چیمپیئنز ٹرافی میں پاکستان اور بھارت کا میچ تو سیاست کی نظر ہوتا دکھائی دے رہا ہے البتہ دبئی میں پاکستان اوربھارت کی انڈر 19کرکٹ ٹیمز ایک دوسرے کے مدمقابل آنے کو تیار ہیں۔ دبئی میں 29 نومبر سے ایشین کرکٹ کونسل کے زیر اہتمام ایشیا کپ انڈر 19 کرکٹ ٹورنامنٹ کا آغاز ہو رہا ہے جس میں پاکستان اور بھارت اپنا گروپ میچ 30 نومبر کو دبئی کرکٹ اسٹیڈیم میں کھیلیں گے۔ پاکستان انڈر 19 ٹیم ، بھارت سے مقابلے آنے کیلئے دبئی پہنچ چکی ہے کیونکہ ایشیا کپ سے پہلے پاکستان کو دبئی میں تین ملکی ٹورنمامنٹ بھی کھیلنا ہے۔ پاکستانی انڈر 19 ٹیم اسکواڈ، نوجوان پلیئر سعد بیگ کی قیادت میں اتوار کو لاہور سے دبئی پہنچی تھی اور اب آئی سی سی کرکٹ گراونڈ میں پریکٹس کا آغاز کررہی ہے۔
فرمان الہی
نماز کے اوقات
