• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہری لٹتے رہے، تین گاڑیوں، 20 موٹر سائیکلوں سے محروم، گن پوائنٹ پر متعدد موبائل چھین لئے گئے

میرا شہر
اسلام آباد
13 نومبر ، 2024
راولپنڈی، اسلام آباد (سٹاف رپورٹر، خصوصی نامہ نگار) راولپنڈی کے مختلف علاقوں میں وارداتوں میں شہری 2گاڑیوں 14موٹرسائیکلوں ،طلائی زیورات ،موبائل فونز،نقدی اور دیگراشیاء سے محروم ہوگئے،5افراد سے جھپٹا مارکران کے موبائل چھین لئے گئے ۔اسلام آباد میں بھی 13 وارداتوں میں لاکھوں روپے کی نقدی زیورات اور دیگر قیمتی سامان کے علاوہ ایک کار اور 6 موٹر سائیکل اڑا لئے گئے۔ تین موبائل فون اور نقدی اسلحہ کی نوک پر چھین لی گئی۔ چار گھروں کے تالے ٹوٹ گئے اور چور جمع پونجی لے کر چلتے بنے۔ تھانہ سٹی کے علاقہ لیاقت باغ کے باہر سےشوکت علی سکنہ فیصل آباد کی گاڑی مالیتی ایک کروڑ 80لاکھ روپے چوری کرلی گئی۔تھانہ نیوٹاؤن کے علاقہ پنڈورہ میں 2نامعلوم ملزمان محمد ثاقب سے 2 موبائل اور17سوروپے ،تھانہ صادق آباد کے علاقہ النور کالونی میں2 نامعلوم ملزمان محمد اسلام سے موبائل اور 15سوروپے،تھانہ نصیرآباد کے علاقہ میں پارسل ڈیلیوری کے لئے جانے والے نجم الدین قریشی سے 2موٹرسائیکل سوار اسلحہ کی نوک پر 42 ہزار روپے ،تھانہ روات کے علاقہ میں 3موٹرسائیکل فاروق احمد کا موٹر سائیکل اور موبائل ، ابن چک میں محمد یعقوب کے گھر 2نامعلوم ملزمان مسلح پسٹل اور چھرا داخل ہوئے جوایک لاکھ روپے، انعامی بانڈز 4 ،دس ہزار روپے ،اڑھائی تولے تولہ سونا ،اے ٹی ایم کارڈ،شناختی کارڈ وغیرہ ،علی انور کے گھر 4نامعلوم ملزمان داخل ہوئے اس پر تشدد کیا اور طلائی سیٹ ، چار سونے کی انگوٹھیاں،3طلائی چین،ایک طلائی لاکٹ، دو سونے کی بالیوں کا سیٹ،5 موبائل فون ،3 گھڑیاں، لیپ ٹاپ،ڈیبیٹ کارڈ،شناختی کارڈ۔ والٹ ، گاڑی کی چابیاں چھین کرفرار ہوگئے۔ وارداتیں اسلحہ کی نوک پر ہوئیں۔رینج روڈ پر محمد عثمان کی اکیڈمی کے تالہ توڑ کر3 لیپ ٹاپ،گلریز فیز1میں محمد جہانزیب خان کے گھر کے تالے توڑ کر5لاکھ روپے اور سونا مالیتی 16لاکھ روپے ،گلزار قائد میں ڈاکٹراحمد علی صدیقی کے گھر سے 40 ہزار روپے ،سونا مالیتی 15لاکھ روپے ،لکھن میں محمد جاوید کے گھر کے تالے توڑ کر30ہزارروپے ،طلائی انگوٹھی،طلائی چین اور ایل سی ڈی چوری کرلی گئی ۔
اسلام آباد سے مزید