• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیئر مین سی ڈی اے کی انٹرچینجز منصوبوں پر کام تیز کرنے کی ہدایت

میرا شہر
اسلام آباد
13 نومبر ، 2024
اسلام آ باد (نیوز رپورٹر) چیئرمین سی ڈی اے محمد علی رندھاوا نے سرینہ چوک اور جناح ایونیو انٹرچینجز منصوبوں کی سائٹس کا دورہ کیا اور منصوبوں پر جاری ترقیاتی کاموں کا جائزہ لیا۔ انہیں بریفننگ دیتے ہوئے بتایا گیا کہ بجلی، گیس سمیت دیگر سروس لائنز کی منتقلی کا کام تیزی سے جاری ہے اور دونوں منصوبوں کے مختلف حصوں پر بیک وقت تیزی سے کام کیا جارہا ہے۔ چیئرمین سی ڈی اے نے ہدایت دی کہ منصوبوں پر جاری تعمیراتی کاموں کی رفتار کو مزید تیز کیا جائے۔ دریں اثناء انہوں نے سی ڈی اے ہیڈکوارٹرز میں ایک اجلاس کی صدارت بھی کی جس میں شہر میں طویل المدت بیوٹفکیشن پلان پر تبادلہ خیال کیا گیا۔ انہوں نے آذربائیجان کی باکو ٹیم کو کہا کہ وہ انوائرمنٹ ونگ کے ساتھ بیوٹفکیشن کے حوالے سے اپنی تجاویز شئیر کریں۔
اسلام آباد سے مزید