• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جوہری ٹیکنالوجی موسمیاتی تبدیلیوں کے چیلنجوں سے نمٹنے میں معاون، ماہرین

میرا شہر
اسلام آباد
13 نومبر ، 2024
اسلام آباد (اپنے نامہ نگار سے) ماہرین نے کہا ہے کہ کپاس کے شعبہ کی حدت سے ہونے والے اخراج کو کم کرنے کیلئے جوہری ٹیکنالوجی کا استعمال ضروری ہے، کسان طویل خشک سالی، بڑھتے ہوئے موسموں اور غیر متوقع بارشوں سے دوچار ہیں۔ جوہری ٹیکنالوجی کپاس کی کاشت کاری اور ٹیکسٹائل کی پیداوار کو ڈیکاربنائز کرنے کے لئے جدید اور موثر حل پیش کرتی ہے جبکہ کسانوں کو موسمیاتی تبدیلیوں سے پیدا ہونے والے چیلنجوں سے نمٹنے میں مدد فراہم کرتی ہے۔ عالمی موسمیاتی سربراہی اجلاس کوپ 29کے مقام پر پاکستانی پویلین میں اعلیٰ سطح کی تقریب ملٹی سییکٹرل پارٹنرشپس کے ذریعے کپاس سے کپڑوں کی قدر کی زنجیر کو ڈیکاربونائز اور اپنانا منعقد کی گئی جس میں کپاس سے کپڑوں کی ویلیو چین کو ڈیکاربونائز کرنے اور ڈھالنے کے مواقع میں کثیر شعبوں کی شراکت داری کے چیلنجز اور مسائل پر تبادلہ خیال کیا گیا۔ وزارت موسمیاتی تبدیلی کے مطابق اس موقع پر مقررین نے عالمی موسمیاتی تبدیلیوں پر روشنی ڈالی۔ تقریب کا اہتمام وزارت موسمیاتی تبدیلی، بین الاقوامی جوہری توانائی ایجنسی (آئی اے ای اے)، اقوام متحدہ کی خوراک اور زراعت کی تنظیم (ایف اے او)، اقوام متحدہ کی صنعتی ترقی کی تنظیم (یو این آئی ڈی او) اور ورلڈ ٹریڈ آرگنائزیشن (ڈبلیو ٹی او) نے مشترکہ طور پر کیا تھا۔ وزارت موسمیاتی تبدیلی کے پارلیمانی سیکرٹری احمد عتیق انور نے کہا کہ کپاس نہ صرف پاکستان سمیت عالمی ٹیکسٹائل اور فیشن کی صنعتوں کے لئے ایک اہم خام مال ہے بلکہ یہ آمدنی اور روزگار بھی فراہم کرتی ہے۔ تاہم موسمی نمونوں کو تبدیل کرنے والے منفی اثرات، خاص طور پر بار بار آنے والے سیلاب، گرمی کی لہریں اور خشک سالی، پاکستان جیسے بنجر اور سیلاب زدہ ممالک میں کپاس کی کاشت کے استحکام کو شدید خطرات سے دوچار کر رہے ہیں۔ انہوں نے کہا موسمیاتی تبدیلی کے اثرات کپاس پیدا کرنے والے خطوں میں پہلے ہی زیادہ تباہ کن انداز میں محسوس کئے جا رہے ہیں۔ کسان طویل خشک سالی، بڑھتے ہوئے موسموں اور غیر متوقع بارشوں سے دوچار ہیں۔ انٹرنیشنل اٹامک انرجی ایجنسی کے ڈائریکٹر جنرل رافیل ماریانو گروسی نے کپاس کی فصل کو ڈیکاربونائز کرنے اور آب و ہوا میں لچک پیدا کرنے میں جوہری ٹیکنالوجی کے استعمال کی اہمیت کو اجاگر کیا۔ ورلڈ ٹریڈ آرگنائزیشن کی ڈائریکٹر جنرل ایویلانگوزی اوکونجو نے کہا کہ ڈبلیو ٹی پی مٹی کی نقشہ سازی، مختلف قسم کی مٹی کی خصوصیات اور اس کی پیداواری صلاحیت کے لحاظ سے تقسیم کرنے کی ایک تکنیک، زرعی فصلوں بالخصوص کپاس کے موافقت کے لئے بہت اہم ہے۔ آذربائیجان کے زراعت کے نائب وزیر اروان جعفروف نے کہا کہ آذربائیجان میں محققین اور کسان پہلے ہی جوہری اور متعلقہ تکنیکوں پر مبنی موسمیاتی سمارٹ زرعی طریقوں پر عمل کر رہے ہیں۔
اسلام آباد سے مزید