فرمان الہی
نماز کے اوقات
کراچی (اسٹاف رپورٹر )نارتھ کراچی میں شہری کی فائرنگ اور تشدد سے ڈکیت مارا گیا، مبینہ پولیس مقابلوں میں گینگ وار کے دو ملزمان سمیت 3 ملزمان زخمی حالت میں گرفتار کر لیے گئے،تفصیلات کے مطابق نارتھ کراچی سیکٹر فائیو ایل میں لوٹ مار کرنے والا ایک ڈکیت شہری کی فائرنگ اور مشتعل ہجوم کے تشدد سے زخمی ہونے والا ڈاکو جان محمد ولد گل رحمان اسپتال منتقلی کے دوران ہلاک ہو گیا ،2ملزمان ہئیر سیلون میں شہری سے موبائل فون اور رقم چھین کر فرار ہورہے تھے کہ شہری نے اپنے اسلحے سے ملزمان پر فائرنگ کی ، اہل علاقہ نے پکڑ کر تشدد کا نشانہ بنایا جبکہ ملزم کا ساتھی فرار ہوگیا،ملزم سے نائن ایم ایم پستول،لوڈ میگزین اور 4چھینے ہوئے موبائل فون برآمد کیے گئے ہیں،بغدادی پولیس نے لیاری دبئی چوک پھول پتی لین کے قریب مبینہ مقابلے میں دو ملزمان رحمت عرف بابا گولڈن اور شاہد اقبال عرف فرینچ کو زخمی حالت میں گرفتار کرکے 2 پستول اور موٹر سائیکل برآمد کرلی ،ملزمان کی فائرنگ سے کانسٹیبل محمد عزیر محفوظ رہا ،پولیس کے مطابق دونوں ملزمان منشیات فروش و لیاری گینگ وار کے کارندے ہیں ،اینٹی وہیکل لفٹنگ سیل نے لیبر اسکوائر کورنگی میں مبینہ مقابلے میں اسلحہ اور منشیات کے متعدد مقدمات میں ملوث کار لفٹر رانو سومرو عرف سلیم کو زخمی حالت میں گرفتار کرکے پستول اور شاہراہ فیصل سے چوری شدہ کار برآمد کر لی ، ساتھی ملزم فرار ہو گیا ۔
