• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرتار پور میں بابا گورو نانک انٹرنیشنل کبڈی فیسٹیول، سکھ یاتریوں نے میچ دیکھا

آج کا اخبار
اہم خبریں
20 نومبر ، 2024
اسلام آ باد ( نمائندہ جنگ)کرتار پور میں بابا گورو نانک انٹرنیشنل کبڈی فیسٹیول، سکھ یاتریوں نے کبڈی میچ دیکھا،سی ای او کرتارپور ابو بکر آفتاب قریشی نے کہاکہ محبت اور امن کا پیغام دنیا بھر میں پہنچائیں گے، پاکستان سکھ گردوارہ پربندھک کمیٹی، PMU کرتار پور اور پاکستان کبڈی فیڈریشن کے اشتراک سے گزشتہ روز بابا گورو نانک انٹرنیشنل کبڈی فیسٹیول کا انعقاد کیاگیا۔ بھارت سمیت دنیا بھر سے آئے سکھ یاتری کبڈی میچ سے لطف اندوز ہوئے۔ کرتار پور پاکستان زندہ باد کے نعروں سے گونج اٹھا ۔ سردار رمیش سنگھ نے کہاکہ آج بنیاد رکھ دی، ہر سال یہاں کبڈی میچ ہوگا، کھیلوں سے دونوں ملکوں کے تعلقات ٹھیک ہو سکتے ہیں، پردھان پاکستان سکھ گردوارہ پربندھک کمیٹی سردار رمیش سنگھ اروڑہ۔ سی ای او کرتارپور ابو بکر آفتاب قریشی نے بطور مہمان خصوصی شرکت کی ۔ایڈیشنل سیکرٹری شرائنز سیف اللہ کھوکھر ،چیئرمین پاکستان کبڈی فیڈریشن چوہدری شافع حسین ،وزیر قانون پنجاب صہیب برتھ،وزیر ٹرانسپورٹ پنجاب بلال اکبر ۔ڈپٹی کمشنر نارووال سمیت بابا گرو نانک دیو جی کے جنم دن کے موقع پر بھارت سے پاکستان آ نے سکھ یاتریوں نے شرکت کی۔
اہم خبریں سے مزید