• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سکھر بورڈ کے چیئرمین فارغ، چارج وائس چانسلر کو دے دیا

آج کا اخبار
اہم خبریں
05 دسمبر ، 2024
کراچی(سید محمد عسکری) بورڈ آف انٹرمیڈیٹ اینڈ سیکنڈری ایجوکیشن سکھر کے چیرمین رفیق احمد پل کو عہدے سے ھٹا کر اروڑ یونیورسٹی آف آرٹ، آرکیٹیکچر، ڈیزائن اور ہیریٹیج سکھر کے وائس چانسلر پروفیسر ڈاکٹر زاہد حسین کھنڈ کو تین ماہ کے لیے چیئرمین کی خالی آسامی کا چارج تفویض کردیا گیا ہے۔ سکھر بورڈ کے ریٹائرڈ آفیسر رفیق احمد پل ایک نوٹیفکیشن کے تحت مورخہ 16 مئی، 2023 سے اسٹاپ گیپ کے انتظام کے تحت چئیرمین کی پوسٹ پر کام کررہے تھے تاہم اس نوٹیفکیشن کو واپس لے لیا گیا ہے۔جب کہ سکھر بورڈ میں گریڈ ایک سے 17 تک کی ڈیلی ویجز بھرتیاں کرنے پر کے رفیق احمد پل کے خلاف دو رکنی تحقیقاتی کمیٹی بھی قائم کردی گئی ہے جو 15 روز میں رپورٹ پیش کرے گی کمیٹی میں ایڈیشنل سکریٹری سہیل انور بلوچ اور پروفیسر ڈاکٹر زاہد حسین کھنڈ شامل ہوں گے۔ یاد رہے کہ گزشتہ دو برس کے دوران صرف سندھ بورڈ آف ٹیکنیکل ایجوکیشن میں 35 سے زائد ڈیلی ویجز اور کنٹریکٹ پر تقرریاں کی گئی تاہم اس پر کوئی کارروائی نہیں کی گئی اسی طرح حیدرآباد تعلیمی بورڈ میں بھی بھرتیاں ہوئی مگر اے نظر انداز کردیا گیا۔
اہم خبریں سے مزید