فرمان الہی
نماز کے اوقات
کراچی (اسٹاف رپورٹر)میئر کراچی بیرسٹر مرتضیٰ وہاب نے دعویٰ کیا ہے کہ تاریخی عمارتوں کے اطراف تجاوزات ختم اور کراچی کے تاریخی ورثے کی حفاظت کی جائے، صدر کے علاقے میں متعدد تاریخی عمارتیں ہیں، صدر کو اس کی اصل حالت میں بحال کیا جائے گا۔ وہ کمشنر کراچی سید حسن نقوی اور دیگر افسران کے ساتھ شہر کے مختلف علاقوں صدر ایمپریس مارکیٹ، جہانگیرپارک،پارکنگ پلازہ، کے ایم سی ڈسپنسری، ٹاور،فریئر ہال کے قریب پرانے امریکی قونصلیٹ کی عمارت، سندھ وائلڈ لائف میوزیم کی عمارت اور کراچی پریس کلب کے اطراف کی سڑکوں کا دور ہ کررہے تھے۔ میئر نے کہا کہ کراچی کی تاریخی عمارتیں شہر کے حسن میں اضافہ کرتی ہیں، کراچی میں تعمیر و ترقی کے کام مل جل کر انجام دینے کا فیصلہ کیا گیا ہے، تمام ادارے شہر کی بہتری اور ترقی کے لئے ایک پیج پر ہونے چاہئیں۔
