• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، رواں سال مبینہ پولیس مقابلوں میں 182 ملزمان ہلاک

آج کا اخبار
اہم خبریں
08 دسمبر ، 2024
کراچی(مطلوب حسین/اسٹاف رپورٹر) رواں سال کراچی پولیس نے مبینہ پولیس مقابلوں کے دوران182ملزمان کو ہلاک کردیا،سب سے زیادہ فروری اور مارچ کے مہینوں میں پولیس مقابلوں میں23،23ملزمان کی ہلاکتیں ہوئی ہیں۔ تفصیلات کے مطابق کراچی پولیس نے رواں سال ماہ جنوری سے ماہ نومبر تک 11ماہ کے دوران مبینہ پولیس مقابلوں میں182ملزمان کو ہلاک کیا ہے، کراچی پولیس سے حاصل ہونیوالے اعداد و شمار کے مطابق کراچی پولیس نے ماہ جنوری میں ملزمان کے ساتھ 130مقابلے کئے جن میں 8 ملزمان کو ہلاک کیا،فروری میں 96 مقابلوں میں 23،مارچ میں 170مقابلوں میں 23،اپریل میں 99مقابلوں میں 14،مئی میں 97مقالوں میں13،جون میں 105مقابلوں میں16،جولائی میں 90 مقابلوں میں 14،اگست میں 133 مقابلوں میں 16ستمبر میں 102مقابلوں میں 22اکتوبر میں106مقابلوں 21اور نومبر میں 86 مقابلوں میں 12 ملزمان کو ہلاک کیا۔کراچی پولیس نے رواں سال مجموعی طور 1214 پولیس مقابلے کئے اس دوران 1319 زخمی سمیت 1953 ملزمان کو گرفتار بھی کیا۔
اہم خبریں سے مزید