• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مذاکرات کیلئے PTI، حکومت کو پارلیمنٹ میں بیٹھنا اور بات کرنا ہوگی، شاہد خاقان

آج کا اخبار
اہم خبریں
22 دسمبر ، 2024
اسلام آباد(آئی این پی )سابق وزیراعظم شاہد خاقان عباسی نے کہا ہے کہ پی ٹی آئی اور حکومت میں مذاکرات جب تک پارلیمنٹ میں نہیں ہوں گے کامیاب نہیں ہوں گے مذاکرات کیلئے پی ٹی آئی اور حکومت کو پارلیمنٹ میں بیٹھنا اور بات کرنا ہوگی،موجودہ حکومت کا رویہ وہی ہے جو بانی پی ٹی آئی کا تھا، این آراو مانگنے کی باتیں سیاسی ہوتی ہیں،پی ٹی آئی کا ایک ہی ایجنڈا ہے کہ بانی کو جیل سے نکال دو۔ایک انٹرویو میں انہوں نے کہا کہ ساری بات عوام کے سامنے ہونی چاہیئے، عوام سے کچھ نہیں چھپایا جاسکتا، شرائط لگا کر مذاکرات نہیں ہوتے، مذاکرات کا مطلب ہے کہ اقتدار میں حصہ مل جائے، مذاکرات میں ملک اور عوام کے مسائل حل کرنے کی بات ہونی چاہئے۔ مجھے مذاکرات کامیاب ہوتے نظر نہیں آرہے، ان کو پارلیمان میں بات کرنی چاہئے۔انہوں نے کہا کہ این آراو مانگنے کی باتیں سیاسی ہوتی ہیں، بانی پی ٹی آئی بھی این آراو کی باتیں کرتے ہیں، مذاکراتی کمیٹیوں کے پاس کوئی اختیار نہیں ہوتے، پی ٹی آئی نے بھی کمیٹیاں بنائیں لیکن بعد میں کہتے تھے کہ بانی نہیں مان رہے۔
اہم خبریں سے مزید