• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مہاجر یوم ثقافت آج، کراچی، حیدر آباد سمیت کئی شہروں میں تقریبات شروع

آج کا اخبار
اہم خبریں
24 دسمبر ، 2024
کراچی (اسٹاف رپورٹر) ’’مہاجر یوم ثقافت‘‘ منگل24دسمبر کو پورے ملک میں منایا جارہا ہے، اس روز کراچی، حیدرآباد، سکھر، میرپور خاص، اسلام آباد، لاہور، پشاور اور کوئٹہ سمیت مختلف شہروں اور قصبوں میں پیر اور منگل کی درمیانی شب 12بجے سے ہی یوم ثقافت کے حوالے سے مختلف تقریبات کا آغاز کردیا گیا ، 24دسمبر شروع ہوتے ہی، پاکستان کے قومی پرچم لہرائے گئے، قومی ترانہ اور مہاجر ترانے بجائے گئے،کیک کاٹے گئے اور ریلیاں نکالی گئیں، جن کا سلسلہ منگل کو بھی دن بھر جاری رہے گا، ان ریلیوں میں شرکاء نے سفید کرتے پاجامے اور سیاہ واسکٹ زیب تن کی ہوئی تھیں۔ متحدہ قومی موومنٹ (ایم کیو ایم) پاکستان کے سینئر راہنما و رکن قومی اسمبلی سید امین الحق کا کہنا ہے کہ ایم کیو ایم کے تحت کراچی اور حیدرآباد سمیت پورے پاکستان میں باضابطہ طور پر مہاجر یوم ثقافت منایا جارہا ہے۔ متحدہ کے اعلامیے کے مطابق گورنر سندھ کامران خان ٹیسوری نے ایم کیو ایم کے مرکزی راہنماؤں کے ساتھ پیر کو رات ساڑھے 11بجے’’ جشن مہاجر ثقافت‘‘ کے سلسلے میں فیڈرل بی ایریا، عائشہ منزل پر لگائے گئے مرکزی استقبالیہ کیمپ کا دورہ کیا، جب کہ پورے شہر میں ایم کیو ایم کے تحت درجنوں استقبالیہ کیمپ لگائے گئے ہیں، جن میں رات بھرمہاجر ثقافت کے حوالے سے نغمے بجائے جارتےرہے،مرکزی کیمپ میں گورنر سندھ نے رات 12بجےکیک کاٹا، اس موقع پر زبردست آتش بازی کی گئی۔
اہم خبریں سے مزید