فرمان الہی
نماز کے اوقات
اسلام آباد (ساجد چوہدری )پاکستان ٹیلی کمیونیکیشن اتھارٹی (پی ٹی اے ) نے انٹرنیٹ سروسز کی سست روی کے حوالے سے تحقیقات مکمل کرلیں، جس میں کہا گیا ہے کہ ٹیلی کام کمپنیوں کو سوشل میڈیا اور ویب براؤزنگ میں مسائل کا سامنا رہا، سرکاری دستاویز کے مطابق ٹیلی کام آپریٹرز نے سوشل میڈیا پلیٹ فارمز پر مختلف مسائل کی نشاندہی کی،جاز اور ٹیلی نار نے ایکس پر بلاکنگ کے مسائل کی نشاندہی کی جبکہ جاز اور ٹیلی نار نے ویب براوزنگ اور ڈیٹا سروسز پر کوئی مسئلہ رپورٹ نہیں کیا،زونگ نے تمام بڑے ایپلیکیشنز میں ڈیٹا ٹریفک میں کمی اور زونگ نے اپنے نیٹ ورک پر ٹک ٹاک ٹریفک میں 16 فیصد کمی نوٹ کی ، یوفون نے او ٹی ٹی پلیٹ فارمز کی کارکردگی میں کمی کی نشاندہی کی، یوفون کے مطابق ویب براؤزنگ میں کوئی مسئلہ رپورٹ نہیں ہوا،فکسڈ لائن آپریٹرز نے بھی انٹرنیٹ کی سست رفتاری کے دوران مسائل کی نشاندہی کی، پی ٹی سی ایل نے ٹک ٹاک، واٹس ایپ، فیس بک اور انسٹاگرام کی سروسز متاثر ہونے کی نشاندہی کی۔
