• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملک بھر میں ٹیکس وصولیوں میں کراچی سرفہرست

آج کا اخبار
اہم خبریں
09 جنوری ، 2025
اسلام آباد (مہتاب حیدر ) لارج ٹیکس پیٹر آفس (ایل ٹی او ) انکم ٹیکس ، سیلز ٹیکس، ایکسائز ڈیوٹی اور کسٹم ڈیوٹی وصولیوں کی مد میں30.7 فیصد وصولیوں کے ساتھ سر فہرست رہا ۔ ایل ٹی او لاہور 17.09فیصد وصولیوں سے دوسرے نمبر پر رہا ۔ ایل ٹی او اسلام آباد نے14.1فیصد وصولیاں کیں۔ 2023 24ء کے لیے ایف بی آر کی جاری کردہ ایئر بک کے مطابق ودہولڈ نگ سمیت براہ راست ٹیکسوں کی وصولی کا تناسب 48.7فیصد رہا ۔ جبکہ غیر براہ راست ٹیکسوں کا حجم 51.3فیصد رہا ۔ ایف بی آر کا ٹیکس اور جی ڈی پی میں تناسب مالی سال 2015-16ء میں 9.51فیصد سے کم ہو کر8.77فیصد تھا براہ راست ٹیکسوں کی مد میں وصولیوں گزشتہ سال3271ارب کے مقابلے میں 32.8فیصد نمایاں اضافے کے ساتھ 4531ارب روپے رہیں۔ اسی مالی سال دعو یداروں کو ری فنڈ کی مد میں52ارب روپے ادا کئے گئے۔ مالی سال 2023-24ء میں ڈیمانڈ پر وصولیاں127ارب روپے رہیں ۔ جبکہ اس سے گزشتہ مالی سال میں 162 ارب روپے وصول ہوئے تھے ۔ اس میں وصولیوں کو بڑھا نے کےلیے فیلڈ فارمیشنز پر توجہ دینے کی ضرورت ہے ۔ مالی سال2023-24ء ڈوانس ٹیکس نمایاں اضافے کے ساتھ 1530ارب روپے ہوگیا جو اس سے پیوستہ سال میں975ارب روپے تھا ۔ اضافے کا تناسب 57فیصد رہا ۔ ریٹرن کیساتھ ادائیگی 2023-24ء میں162ارب روپے رہی جو پیو ستہ سال میں119ارب روپے تھی ۔ اضافہ 35.9فیصد رہا ۔ و دہولڈ نگ ٹیکس وصولیاں گزشتہ 2007ء ارب کے مقابلے میں2740ارب روپے ہوئیں۔
اہم خبریں سے مزید