فرمان الہی
نماز کے اوقات
کراچی( اسٹاف رپورٹر )دھابیجی پمپنگ اسٹیشن پر اچانک بجلی کے بڑے بریک ڈاؤن کے باعث واٹر کارپوریشن کی 2 لائنیںپھٹ گئیں کراچی کو دس کروڑ گیلن پانی کی سپلائی نہ ہو سکی ترجمان واٹر کارپوریشن کے مطابق 72 انچ پی آر سی سی لائن نمبر 1 اور 72 انچ ایم ایس کی لائن نمبر 5 متاثر ہوئیں اطلاع ملنے پر واٹر کارپوریشن حکام نے موقع پر پہنچ کر متاثرہ لائنوں کا معائنہ کیا اس موقع پر سی ای او واٹر کارپوریشن نے متعلقہ افسران کو ہدایت دیتے ہوئے کہا کہ متاثرہ لائنوں کی بحالی کا کام ہنگامی بنیادوں پر مکمل کیا جائے تاکہ شہریوں کو کسی بھی قسم کی پریشانی کا سامنا نہ کرنا پڑے چیف انجینئر واٹر کارپوریشن کے مطابق متاثرہ لائن نمبر 5 کا مرمتی کام اگلے 24 گھنٹوں اور لائن نمبر 1 کا مرمتی کام اگلے 4 روز میں مکمل کرلیا جائے گا جبکہ شہر کو متبادل لائنوں کے ذریعے پانی کی فراہمی جاری ہے کے الیکٹرک کی جانب سے دھابیجی پمپنگ اسٹیشن پر پیر کی صبح 9 بج کر 15منٹ پر بریک ڈاؤن ہوا تھا جس کے باعث دھابیجی پمپنگ اسٹیشن کی تمام پمپنگ مکمل طور پر بند ہوگئی تھی دھابیجی پمپنگ اسٹیشن کی بجلی صبح 10:45پر بحال ہوئی جس کے بعد شہر کو متبادل لائنوں سے پانی کی فراہمی شروع کردی گئی دریں اثنا ترجمان کے الیکٹرک نے کہا ہے کہ دھابیجی پمپنگ اسٹیشن پر بجلی کی فراہمی جاری ہے پمپنگ اسٹیشن پر آنے والے جزوی تعطل کو فوری بحال کردیا گیاتھاکے۔ الیکٹرک کا سسٹم مستحکم ہے اور پاور یوٹیلیٹی کی جانب سے بجلی کی فراہمی بحال کردی گئی تھی ترجمان کے۔ الیکٹرک نے مزید کہا کہ دھابیجی پمپنگ اسٹیشن سمیت کراچی واٹر اینڈ سیوریج بورڈ کے تمام بڑے پمپنگ اسٹیشنز نہ صرف لوڈشیڈنگ سے مستثنیٰ ہیں بلکہ ہنگامی صورتحال میں دھابیجی پمپنگ اسٹیشن کو متبادل ذرائع سے بجلی فراہم کی جاتی ہے۔ کے۔ الیکٹرک کا عملہ واٹر بورڈ کے نمائندوں کے ساتھ مستقل رابطے میں رہتا ہے اور کسی بھی صورتحال سے بروقت نمٹنے کے لیے مستعد رہتا ہے۔
