• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشتونخوا میپ ضلع کوئٹہ کا اجلاس،اولسی جرگے کے انتظامات کا جائزہ

میرا شہر
کوئٹہ
24 جنوری ، 2025
کوئٹہ ( پ ر) پشتونخواملی عوامی پارٹی ضلع کوئٹہ کے ضلع کمیٹی کا توسیع اجلاس پارٹی کے صوبائی سینئر نائب صدر وضلع سیکرٹری سید شراف آغا کی صدارت میں پارٹی کے مرکزی سیکرٹریٹ میں منعقد ہوا۔ اجلاس میں پارٹی کے مرکزی سیکرٹریز ڈاکٹر حامد خان اچکزئی ، عبدالحق ابدال، صوبائی صدر عبدالقہار خا ن ودان ، صوبائی جنرل سیکرٹری کبیر افغان، صوبائی ایگزیکٹیوزنصیر ننگیال ، ملک عمر کاکڑ، منان خان بڑیچ،گل خلجی ، صورت خان کاکڑ،حضر ت عمر ایڈووکیٹ، نظام عسکر، سردار ادریس بڑیچ، حفیظ ترین سمیت ضلع سینئر معاونین ،ضلع ایگزیکٹیوز وضلع کمیٹی اور تحصیل کمیٹی کے اراکین نے شرکت کی ۔ اجلاس میں کوئٹہ کے اولسی جرگے کے تمام تر انتظامات کا جائزہ لیا گیا اور مختلف کمیٹیوں نے اپنی رپورٹس پیش کیں ۔ اجلاس میں کہا گیا ہے کہ کوئٹہ کا اولسی جرگہ 24تا 26جنوری بروز (جمعہ ، ہفتہ ،اتوار) بلنہ گارڈن ہال ایئرپورٹ روڈ بلیلی میں تین دن تک جاری رہیگا ۔ جس میں کوئٹہ کے مختلف قبائل کے معززین ، قبائلی عمائدین ، علماء کرام سمیت زندگی کے ہر شعبے سے تعلق رکھنے والے افراد شرکت کرکے اپنی قیمتی آراء جرگہ کے شرکاء کے سامنے پیش کرینگے اور اس کی روشنی میں یہ جرگہ اپنا متفقہ اعلامیہ اور جرگہ کی قراردادیں پیش کریگی ۔ اجلاس میں کہا گیا ہے کہ کوئٹہ شہر میں امن وامان کی ابتر صورتحال ، بدامنی ،چوری ، ڈکیتی، تعلیم اور صحت کے شعبوں کی تباہی سمیت عوام کو درپیش تمام مسائل ومشکلات کو زیر غور لایا جائیگا اور جرگہ کے شرکاء سے رائے لیکر مستقبل کے لیے لائحہ عمل طے کیا جائیگا۔ اجلاس میں ہزاروں کی تعداد میں دعوت ملنے والے تمام معززین سے امید کی گئی ہے کہ وہ صبح 9:30تک اولسی جرگے میں شرکت کرینگے تاکہ جرگہ کی کارروائی بروقت شروع ہوسکے۔
کوئٹہ سے مزید