فرمان الہی
نماز کے اوقات
بھارتی کرکٹ ٹیم کے ون ڈے اور ٹیسٹ فارمیٹ میں کپتان روہت شرما نے مسلسل تنقید کیے جانے پر سابق کرکٹر سنیل گواسکر کے خلاف کرکٹ بورڈ میں شکایت درج کرا دی۔
بھارتی میڈیا کے مطابق روہت شرما کو لگتا ہے کہ سنیل گواسکر نے غیر ضروری تنقید کی، اس لیے انہوں نے بی سی سی آئی میں شکایت کی۔
بھارتی میڈیا کے مطابق دورۂ آسٹریلیا میں روہت شرما نے 3 ٹیسٹ میچوں میں صرف 31 رنز بنائے تھے جبکہ ان کی کپتانی میں بھارت کو 5 میچز کی سیریز میں 1-3 سے شکست ہوئی تھی اور بھارت ٹیسٹ چیمپئن شپ کے فائنل کی دوڑ سے بھی باہر ہو گیا تھا۔
سابق بھارتی کرکٹر سنیل گواسکر نے روہت شرما کی بیٹنگ اور کپتانی دونوں پر شدید تنقید کی تھی اور ان کے ٹیسٹ فارمیٹ کے مستقبل پر بھی سوال اٹھائے تھے۔
