• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حفاظتی ناکامیاں، کوئٹہ الیکٹرک کمپنی پر نیپرا کا 10 ملین روپے کا جرمانہ

آج کا اخبار
اہم خبریں
30 جنوری ، 2025
اسلام آباد ( اسرار خان ) نیشنل الیکٹرک پاور ریگولیٹری اتھارٹی (نیپرا) نے کوئٹہ الیکٹرک سپلائی کمپنی لمیٹڈ (کیو ای ایس سی او) پر 10ملین روپے کا جرمانہ عائد کر دیا ہے کیونکہ وہ صحت، حفاظت اور ماحولیات (ایچ ایس ای) ڈائریکٹوریٹ قائم کرنے میں ناکام رہا، جو کہ ریگولیٹری تقاضوں کے تحت لازمی تھا۔یہ فیصلہ بدھ کے روز سنایا گیا، جو 2021 سے جاری عدم تعمیل کے مسائل کے تسلسل میں آیا۔ بجلی کی حفاظت کے ضابطے کے سیکشن 7.1 کے مطابق، تمام لائسنس یافتگان کو دسمبر 2021 سے قبل ایک آزاد محکمہ یا ڈائریکٹوریٹ برائے پیشہ ورانہ صحت، حفاظت اور ماحولیات قائم کرنا لازمی تھا۔قابل ذکر بات یہ ہے کہ اس سے قبل 9 جنوری 2025 کو بھی نیپرا نے کیو ای ایس سی او پر 10 ملین روپے کا جرمانہ عائد کیا تھا کیونکہ وہ اپنے سروس ایریا میں ہائی ٹینشن (ایچ ٹی) اور لو ٹینشن (ایل ٹی) کھمبوں/ڈھانچوں کی مکمل گراؤنڈنگ کرنے میں ناکام رہا تھا۔اتھارٹی کے مطابق، نیپرا کی متعدد یاد دہانیوں اور ہدایات کے باوجود، کیو ای ایس سی او نے مطلوبہ حفاظتی اقدامات کو قائم کرنے کی درخواستوں پر مناسب ردعمل نہیں دیا۔
اہم خبریں سے مزید