• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریلوے ورکرز یونین کا ریلوے ہیڈ کوارٹرز لاہور میں مشترکہ احتجاجی مظاہرہ

میرا شہر
پشاور
30 جنوری ، 2025
پشاور(وقائع نگار)ریلوے ورکرز یونین اوپن لائن، پشاور ڈویژن کے جنرل سیکرٹری ریاض کشمیری نے کہا ہے کہ ریلوے ورکرز یونین ورکشاپ CBA کا ریلوے ہیڈ کوارٹرز لاہور میں مشترکہ احتجاجی مظاہرہ ہوا۔ جس میں ریلوے ورکر یونین ورکشاپ CBA کے میاں خالد، رانا معصوم، رضوان ستی، سخی خان اور ریلوے ورکرز یونین اوپن لائن کے چودھری انور گجر، ظفر اعجاز،ملک عارف شیخ، قیصر سلیم نے ریلوے کی نجکاری پینشن میں کٹ کی شدید الفاظ میں مذمت کی۔ ریلوے حکام نے احتجاج کرنے والی ریلوے ورکرز یونین ورکشاپ CBA ریلوے ورکرز یونین اوپن لائن سے مزاکرات کرتے ہوئے تمام مسائل حل کرنے کا یقین دلایا۔ دوسری جانب ریلوے ورکرز یونین ورکشاپ اور ریلوے ورکرز یونین اوپن لائن نے 20 فروری کو کراچی میں موجودہ صورتحال کے پیش نظر ہنگامی اجلاس طلب کرلیا ہے جس میں ائندہ کا لائحہ عمل طے کیا جائے گا۔
پشاور سے مزید