فرمان الہی
نماز کے اوقات
سہ ملکی ون ڈے سیریز کے ٹکٹوں کی فروخت منگل سے شروع ہوگی، شائقین کی سہولت کےلیے ٹکٹ 350 روپے کی کم ترین قیمت پر دستیاب ہیں۔
میزبان پاکستان کے ساتھ نیوزی لینڈ اور جنوبی افریقہ پر مشتمل سہ فریقی سیریز کے ٹکٹوں کی فروخت 4 فروری بروز منگل شام 4 بجے سے شروع ہوگی۔
آن لائن ٹکٹیں دستیاب ہوں گے جبکہ فزیکل ٹکٹ بھی منگل سے فروخت کیلئے دستیاب ہوں گی۔
ایک شناختی کارڈ پر سہ فریقی سیریز کےلیے 10 ٹکٹ خریدے جاسکتے ہیں، سیریز 8 سے 14 فروری تک لاہور اور کراچی میں کھیلی جائے گی۔ شائقین کی سہولت کےلیے 350 روپے کی کم قیمت پر بھی ٹکٹس دستیاب ہیں۔
ویک اینڈ میچز (پاکستان بمقابلہ نیوزی لینڈ، 8 فروری قذافی اسٹیڈیم) اور (فائنل 14 فروری نیشنل بینک اسٹیڈیم) 500 روپے سے دستیاب ہوں گے۔
لاہور میں نئے تعمیر ہونے والے انکلوژرز ماجد خان اور ظہیر عباس (وی وی آئی پی انکلوژرز) میں ہفتے کے میچ کےلیے 5 ہزار روپے میں ٹکٹ دستیاب ہے جبکہ پیر کے میچ کےلیے 4 ہزار روپے میں دستیاب ہوں گی۔
اقبال اینڈ پر وقار یونس اور وسیم اکرم (وی وی آئی پی انکلوژرز) کےلیے شائقین ہفتہ کا میچ ساڑھے تین ہزار روپے میں دیکھ سکتے ہیں جبکہ پیر کے مقابلے کےلیے ٹکٹ کی قیمت ڈھائی ہزار روپے ہوگی۔
وی آئی پی انکلوژرز (فضل محمود اور عمران خان) شائقین کےلیے ہفتہ کے میچ کے لیے دو ہزار روپے میں دستیاب ہوں گے جبکہ پیر کو شائقین اسی انکلوژرز سے 1500 روپے میں ایکشن سے لطف اندوز ہوسکتے ہیں۔
پریمیم انکلوژرز (راجاز اور سعید انور) شائقین کےلیے ہفتہ کو سہ فریقی سیریز کے افتتاحی میچ کےلیے 1,500 روپے میں دستیاب ہوں گے جبکہ پیر کے میچ کےلیے شائقین کے ٹکٹ کی قیمت ایک ہزار روپے میں دستیاب ہوگی۔
قذافی اسٹیڈیم میں جنرل انکلوژرز (حنیف محمد، امتیاز احمد، انضمام الحق اور سعید احمد) شائقین کےلیے 350 روپے (پیر کا میچ) اور 500 روپے (ہفتہ کا میچ) میں دستیاب ہوں گے۔
مزید برآں فرسٹ کلاس انکلوژرز (عبدالحفیظ کاردار، عبدالقادر، جاوید میانداد اور سرفراز نواز) شائقین کےلیے ایک ہزار روپے (پیر کا میچ) اور 1,500 روپے (ہفتہ کا میچ) میں دستیاب ہوں گے۔
لاہور میں شائقین گیلری (ہاسپٹلیٹی باکسز) سے ہفتہ کے میچ کےلیے 6 ہزار روپے اور پیر کے میچ کےلیے 5 ہزار روپے میں ایکشن دیکھ سکتے ہیں۔
کراچی کے نیشنل بینک اسٹیڈیم کے جنرل انکلوژرز (آصف اقبال، نذر محمد، وقار حسن اور یونس خان) کے ٹکٹ شائقین کےلیے بدھ کے میچ کےلیے 350 روپے میں دستیاب ہوں گے جبکہ جمعہ کو سہ فریقی سیریز کے فائنل کےلیے ٹکٹیں 500 روپے میں دستیاب ہوں گی۔
فرسٹ کلاس انکلوژرز (عمران خان، انتخاب عالم، وسیم اکرم، وسیم باری اور شاہد آفریدی) کے داخلے کے ٹکٹ بدھ کے میچ کے لیے 750 روپے میں فروخت کے لیے دستیاب ہوں گے جبکہ جمعہ کو ہونے والے فائنل کےلیے ایک ہزار روپے میں دستیاب ہوں گے۔
مزید برآں، پریمیم انکلوژرز (اقبال قاسم، محمد برادرز، نسیم الغنی) شائقین کےلیے بدھ کے میچ کےلیے ایک ہزار روپے میں دستیاب ہوں گے جبکہ جمعہ کے میچ کےلیے ٹکٹ 1500 روپے میں دستیاب ہوں گے۔
وی آئی پی انکلوژرز (فضل محمود، حنیف محمد اور جاوید میانداد) کے ٹکٹوں کی قیمت بدھ کے میچ کےلیے 1,500 روپے ہوگی جبکہ جمعہ کو فائنل کےلیے اس کی قیمت 2 ہزار روپے ہوگی۔
یونیورسٹی اینڈ پر واقع وی وی آئی پی انکلوژرز (ماجد خان اور ظہیر عباس) شائقین کےلیے بدھ کے میچ کےلیے 4 ہزار روپے میں دستیاب ہوں گے جبکہ شائقین جمعہ کے فائنل میچ کےلیے 5 ہزار روپے میں ٹکٹ خرید سکتے ہیں۔
گیلری کی نشستیں بدھ کے میچ کےلیے شائقین کےلیے 5 ہزار روپے میں دستیاب ہوں گی جبکہ جمعہ کا میچ شائقین کےلیے 6 ہزار روپے میں دستیاب ہوگا۔
