• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پیراپلیجک سنٹر پشاور کے زیراہتمام سپورٹس ویک پیر کو شروع ہو گا

میرا شہر
پشاور
07 فروری ، 2025
پشاور(جنگ نیوز)پیراپلیجک سنٹر پشاور کے زیراہتمام سپورٹس ویک پیر 10 فروری سے شروع ہو رہا ہے۔ ان کھیلوں میں سنٹر میں داخل افراد باہم معذوری اور طبی و انتظامی عملہ حصہ لے سکتے ہیں جبکہ کھیلوں میں بیڈمنٹن، والی بال، لوڈو، کیرم بورڈ، ٹیبل ٹینس، وہیل چیئر رسہ کشی، وہیل چیئر باسکٹ بال، بوشیہ گیم اور ڈارٹ گیم شامل ہیں۔ درایں اثناء پیراپلیجک سنٹر پشاور کے چیف ایگزیکٹیو ڈاکٹر سید محمد الیاس کی زیرصدارت اجلاس میں سپورٹس ویک کے انتظامات کا تفصیلی جائزہ لیا گیا اور انہیں حتمی شکل دی گئی۔ چیف ایگزیکٹیو نے سنٹر کے تمام عملہ اور داخل مریضوں اور تیمار داروں کے علاؤہ فرینڈز آف پیراپلیجکس کے عہدیداروں کو سپورٹس ویک میں بھرپور شرکت کی ہدایت کی ہے۔ انہوں نے ایونٹ کے بہترین انتظامات کیلئے مختلف کھیلوں کے اٹھارہ آرگنائزر اور حفیظ اللہ خان کو چیف آرگنائزر مقرر کیا ہے۔
پشاور سے مزید