• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

متنازعہ جج ارشد ملک کی پنشن کا معاملہ، رجسٹرار لاہور ہائی کورٹ طلب

میرا شہر
اسلام آباد
08 فروری ، 2025
اسلام آباد( رپورٹ:،رانا مسعود حسین) عدالت عظمیٰ نے متنازعہ ڈسٹرکٹ اینڈ سیشن جج ارشد ملک( مرحوم) کی اہلیہ کی خاوند پنشن کے حصول سے متعلق دائر آئینی درخواست کی سماعت کے دوران لاہور ہائی کورٹ کے رجسٹرار کو نوٹس جاری کرتے ہوئے آئندہ سماعت پر ذاتی حیثیت میں حاضر ہونے کی ہدایت کی ہے ، سینئر جج ،جسٹس امین الدین کی سربراہی میں قائم سات رکنی آئینی بینچ نے جمعہ کے روز کیس کی سماعت کی تو درخواست گزار (بیوہ ) کے وکیل نے موقف اختیار کیا کہ میری موکلہ کے خاوند ارشد ملک کو لاہور ہائیکورٹ نے نوکری سے برطرف کیا تھا،وہ سیاسی شخصیات سے متعلق ریفرنسز کی سماعت کر رہے تھے ، جس پر جسٹس حسن اظہر نے استفسار کیا کہ ایک جج کا کیا کام کہ سیاسی افراد سے انکے گھروں میں جاکر ملاقاتیں کرے؟ فاضل وکیل نے جواب دینے کی بجائے موقف اختیار کیا کہ جب ارشد ملک کا انتقال ہوا تو اس کی برطرفی کیخلاف اپیل زیرالتوا ء تھی،انہوں نے عدالت سے انسانی بنیادوں پر ارشد ملک کی برطرفی کو جبری ریٹائرمنٹ میں تبدیل کرنیکا حکم جاری کرنے کی استدعا کی تو عدالت نے مذکورہ بالا حکم جاری کرتے ہوئے کیس کی مزید سماعت غیر معینہ مدت کے لئے ملتوی کردی ، یادرہے کہ احتساب کورٹ کے جج ارشد ملک مرحوم کو ویڈیو سکینڈل منظر عام پر آنے کی بناء پر نوکری سے برطرف کر دیا گیا تھا،یہ بھی یاد رہے کہ 7جولائی 2019 کواس وقت کی پاکستان مسلم لیگ نواز کی نائب صدر مریم نواز نے لاہور میں ایک پریس کانفرنس میںنواز شریف کو قید کی سزا سنانے والے احتساب عدالت کے جج ارشد ملک کے مبینہ انکشافات پر مبنی ویڈیو جاری کی تھی،اس سے ملک میں ایک بھونچال آگیا تھا۔بعد ازاں لاہور ہائیکورٹ نے انہیں ججوں کے ضابطہ اخلاق کی خلاف ورزی کا مرتکب قراردیتے ہوئے نوکری سے برطرف کردیا تھا، 4دسمبر2022کو ارشد ملک کوویڈ19کا شکار ہوکر انتقال کرگئے تھے ۔
اسلام آباد سے مزید