• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خضدار سے بلوچ لڑکی کا اغوا حکومتی رٹ چیلنج کرنے کے مترادف ہے،عطا اللہ لانگو

میرا شہر
کوئٹہ
08 فروری ، 2025
کوئٹہ ( پ ر)بلوچستان ہائی کورٹ بار ایسوسی ایشن کے صدر میر عطاء اللہ لانگو نے خضدار سے لڑکی کے اغوا ءکی مذمت کرتے ہوئے کہا ہے کہ عوام کے جان و مال کا تحفظ حکومت کی ذمہ داری ہے اگر مغوی لڑکی بازیاب نہیں ہوتی تو یہ حکومتی رٹ چیلنج کرنے کے مترادف ہے جو معاشرے کیلئے نیک شگون نہیں ہے۔ ان خیالات کا اظہار انہوں نے اپنے جاری کردہ بیان میں کیا۔ میر عطاء اللہ لانگو نے کہا کہ گزشتہ روز بلوچستان کے ضلع خضدار سے عاصمہ بلوچ نامی لڑکی کو اغوا کر لیا گیا ہے جو انتہائی افسوس ناک ہے ایسے واقعات معاشرے کیلئے انتہائی تشویشناک و حکومتی رٹ چیلنج کرنے کے مترادف ہے بلوچ معاشرے میں ایسے افسوسناک واقعات سے لوگوں میں خوف و ہراس بڑھ رہا ہے قانون نام کی کوئی شے باقی نہیں رہے گی انہوں نے مطالبہ کیا کہ فوری طور پر مذکورہ مغوی لڑکی کی بازیابی یقینی بنایا جائے اور کیس کو بطور چیلنج لیا جائے۔
کوئٹہ سے مزید