فرمان الہی
نماز کے اوقات
کراچی(اسٹاف رپورٹر)گرینڈ ڈیموکریٹک الائنس (جی ڈی اے) کی جانب سے جعلی انتخابات کو ایک سال مکمل ہونے پر کراچی کے 7اضلاع سمیت سندھ بھر کے تمام اضلاع کے ہیڈ کوارٹرز کے پریس کلبوں پر یوم سیاہ منایا گیا ، ان خیالات کا اظہار جی ڈی اے کے سیکریٹری اطلاعات سردار عبد الرحیم نے اپنے بیان میں کیا۔ انہوں نے مزید کہا کہ مظاہرین نے ہاتھوں میں سیاہ جھنڈے اور پلے کارڈز اٹھا رکھے تھے جن پر جعلی انتخابات دریائے سندھ پر نئے کینال پیکا قوانین ، مہنگائی بیروزگاری امن و امان کی صورتحال انتہائی خراب ہونے کے خلاف نعرے درج تھے ، شرکاء نے اپنے بازوں پر سیاہ پٹیاں باندھ کر شدید نعرے لگادہے تھے، سردار عبدالرحیم نے کہا ہے کہ سندھ کے عوام نے مظاہروں میں بھرپور شرکت کرکے جعلی انتخابات کے خلاف دوبارہ اپنا فیصلہ دیدیا ہے سندھ کے عوام جعلی انتخابات کو کبھی بھی قبول نہیں کریں گے ۔انہوں نے یوم سیاہ کے موقع پر پورے سندھ میں پر امن احتجاجی مظاہروں کے انعقاد پر جی ڈی اے کے کارکنان کو مبارکباد پیش کی ہے ، انہوں نے کہا کہ عوام کے مسترد شدہ لوگ ایوانوں میں بیٹھ کر عوام کے مفاد کے خلاف فیصلے دے رہے ہیں ، آج ہی کے دن عوام کے مینڈیٹ کو چوری کیا گیا تھا، 8 فروری ملک کی تایخ کا سیاہ دن تھا ، اور فارم 47 کے ذریعے حکومت بناکر ریکارڈ دھاندلی کی گئی ، ملک کے عوام کا مینڈیٹ چھین کر جی ڈی اے کے امیدواروں کو زبردستی شکست دلوائی گئی،اپنا حق حاصل کرنے کے لیئے پرامن احتجاج کرنا ہر شہری کا حق ہے۔زبردستی مینڈیٹ چھننے والوں نے 26 ویں ترمیم میں بھی جعلسازی کی جس سے ملک میں آئینی بحران پیدا ہو گیا ہے،جج بھی سیاسی جماعتوں کے حمایت یافتہ مقرر کیئے جارہے ہیں ،لیکن عوام اب سارا ماجرہ سمجھ گئے ہیں، انہوں نے کہا کہ متنازعہ پیکا قوانین کا نفاذ آزاد صحافت کی آواز دبا نہیں سکتی ، عوام دشمن پیکا قانون فوری ختم ہو کیا جائے۔
