فرمان الہی
نماز کے اوقات
کراچی( اسٹاف رپورٹر )میئر کراچی بیرسٹر مرتضیٰ وہاب نے کہا ہے کہ کراچی کو آئی سی سی چیمپیئنز ٹرافی 2025 کا حصہ بننے پر ہمیں بہت فخر ہے اور میزبان شہر کے طور پر کراچی اپنے کرکٹ کے بنیادی ڈھانچے اور دنیا بھر کی ٹیموں سمیت شائقین کے لیے مہمان نوازی کا مظاہرہ کرنے کے لیے مکمل تیار ہیں، انہوں نے کہا کہ شہر کے بنیادی ڈھانچے کی ترقی میں کلیدی اسٹیک ہولڈر کے طور پر ہم پاکستان کرکٹ بورڈ کے ساتھ بھرپور تعاون کر رہے ہیں جبکہ چیمپیئنز ٹرافی کے دوران فراہمی و نکاسی آب کی خدمات کو یقینی بنانے کے لیے ہم پُرعزم ہیں اور اس ضمن میں سندھ حکومت کے مختلف ادارے بشمول کے ایم سی اور واٹر کارپوریشن پاکستان کرکٹ بورڈ اور دیگر متعلقہ اداروں کے ساتھ مل کر کام کر رہے ہیں ، میئر کراچی نے چیمپیئنز ٹرافی کی میزبانی کراچی کو دینے پر پاکستان کرکٹ بورڈ کا شکریہ ادا کرتے ہوئے کہا کہ کراچی میں چیمپیئنز ٹرافی کا انعقاد عالمی سطح پر کرکٹ کے لیے ایک اچھا پیغام ہے۔
