• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

طالب علموں کی امتحانی مراکز میں داخلے سے پہلے سخت چیکنگ کی جائیگی،ڈپٹی کمشنر

میرا شہر
کوئٹہ
11 فروری ، 2025
کوئٹہ ( اسٹاف رپورٹر)ڈپٹی کمشنر کوئٹہ لیفٹیننٹ(ر)سعد بن اسد نے کہا ہے کہ صاف شفاف میٹرک امتحانات کا انعقاد ضلعی انتظامیہ کی اولین ذمہ داری ہے تمام طالب علموں کی امتحانی مراکز میں داخلے سے پہلے سخت چیکنگ کی جائیگی امتحانی حال میں موبائل پر سختی سے پابندی ہوگی ان خیالات کا اظہار انہوں نے گزشتہ روز میٹرک کے امتحانات میں نقل کی روک تھام کے حوالے سے منعقد اجلاس سے خطاب کرتے ہوئے کیا اجلاس میں ایڈیشنل ڈپٹی کمشنر(جنرل)کوئٹہ، ایڈیشنل ڈپٹی کمشنر(ریوینیو)کوئٹہ ،کنٹرولر بلوچستان بورڈ، کوئٹہ کے چار سب ڈویڑن کے اسسٹنٹ کمشنرز، مجسٹریٹس ، تحصیلداران نائب تحصیلداران اور تمام تمام متعلقہ آفیسران نے شرکت کی۔اجلاس میں ڈپٹی کمشنر کوئٹہ کو میٹرک امتحانات کے حوالے سے تفصیلی بریفنگ دی گئی۔ اجلاس میں امتحانات کے حوالے سے کی جانے والی تمام تر تیاریوں کاجائزہ لیا گیا۔ ڈپٹی کمشنر کوئٹہ نے کہا کہ اس بار میٹرک امتحانات میں کسی صورت نقل نہیں ہونے دینگے۔جس طالب علم سے موبائل برآمد ہوا اسکا پرچہ کینسل کیا جاے گا۔ کوئٹہ کے تمام امتحانی مراکز میں ضلعی انتظامیہ کے آفیسران ڈیوٹیاں سرانجام دینگے جو امتحان کے دوران کڑی نظر رکھیں گے امتحان کے دوران سخت سکیورٹی فراہم کی جائیگی۔ کسی بھی سینٹر میں ناخوشگوار واقعہ رونما ہوا تو بروقت ایکشن لیا جائے گا امتحانی مراکز میں غیر متعلقہ افراد کو کسی صورت داخلے کی اجازت نہیں ہوگی جو بھی غیر متعلقہ فرد امتحانی مرکز کے احاطے میں پایا گیا تو اسکو پکڑ کر ایف آئی آر درج کی جائے گی۔ کوئٹہ کے تمام امتحانی مراکز پر کھڑی نظر رکھی جارہی ہے تمام متعلقہ محکمے اور ادارے میٹرک امتحانات کی مانیٹرنگ کریں گے۔
کوئٹہ سے مزید