فرمان الہی
نماز کے اوقات
کراچی ( اسٹاف رپورٹر )امیر جماعت اسلامی کراچی منعم ظفر خان نے کریم آباد انڈر پاس مینا بازار پر پریس کانفرنس سے خطاب کرتے ہوئے مطالبہ کیاہے کہ کراچی کے شہریوں و تاجروں کامعاشی قتل بند کیا جائے، طویل عرصے سے تعمیری تعطل کا شکار کریم آباد انڈر پاس سمیت دیگر تعمیراتی منصوبے فی الفور مکمل کیے جائیں، اسلام آباد میں 3انڈر پاسز صرف 72دن میں مکمل اور ان سے متصل14کلو میٹر سڑکیں بھی بن جاتی ہیں لیکن کراچی میں تعمیراتی منصوبوں کی تکمیل کی کوئی ڈیڈ لائین نہیں ہوتی، ریڈ لائین منصوبہ بھی شہر یوں کے لیے عذاب بنا ہوا ہے، سندھ حکومت کی نا اہلی و ناقص کارکردگی سے کراچی کے شہریوں کی زندگی اجیرن بنا دی ہے اور تاجر و کاروباری طبقہ بھی شدید پریشان ہے،جگہ جگہ سڑکیں ٹوٹی اور گٹر بہہ رہے ہیں، سندھ حکومت 17برسوں میں صرف 300 بسیں چلا سکی، پورے شہر میں ٹرانسپورٹ کا کوئی موثر نظام نہیں،خونی ڈمپر اور ٹینکرز شہریوں کی جانیں لے رہے ہیں،شہر کسی فساد اور جلاؤ گھیراؤ کا متحمل نہیں ہو سکتا،گزشتہ دنوں ڈمپر، ٹینکر اور ٹرالوں کی زد میں آکر اپنی جان گنوانے والے تمام شہریوں کے لواحقین کو معاوضہ دیا جائے۔
