• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں روز ڈمپرز شہریوں کی جان لے رہے ہیں کیا یہ بھی وفاق کا مسئلہ؟ عظمیٰ بخاری

آج کا اخبار
اہم خبریں
17 فروری ، 2025
لاہور(آئی این پی ) پنجاب کی وزیر اطلاعات عظمی بخاری نے کہا ہے کہ ڈمپرز روزانہ کی بنیاد پر کراچی کے شہریوں کی جان لے رہے ہیں کیا یہ بھی وفاق کا مسئلہ ہے؟ سندھ حکومت نے جو 956 ارب روپے کا ترقیاتی بجٹ منظور کیا تھا، اللہ کرے وہ جلد از جلد لگ جائے،وزیر اعلی سندھ اپنے نئے 100 ترجمانوں کو زمینی حقائق سے بھی آگاہ کریںکیا مراد علی شاہ کو اپنے حلقے میں بھی کام کرانے کیلئے وفاق کی اجازت چاہیے۔پنجاب کی وزیر اطلاعات عظمی بخاری نے سندھ حکومت کے ترجمانوں کے بیانات پر ردعمل میں کہا کہ پنجاب حکومت کے 90فیصد منصوبے اپنے فنڈ سے مکمل ہو رہے ہیں۔ اور وزیر اعلی سندھ کے علاقے میں ہونے والے حادثے کو وفاق پر نہ ڈالا جائے۔انہوں نے کہا کہ پچھلے 16سال سے سندھ پر حکومت ن لیگ کی نہیں بلکہ پیپلز پارٹی کی ہے۔ عظمی بخاری نے کہا کہ مالی سال ختم ہونے والا ہے۔ لیکن وزیر اعلی سندھ ابھی تک اپنے علاقے کی گلیاں اور سڑکیں نہیں بنا سکے۔انہوں نے کہا کہ وفاق سے ہر سال معمول کے مطابق سندھ کو ان کے حصے کے فنڈز ملتے ہیں۔ وفاق اور صوبوں کے معاملات میں چچا بھتیجی کے رشتے کا کیا تعلق اور اسکا حوالہ کیوں ؟
اہم خبریں سے مزید