• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران کو کبھی جیل سے ہاؤس اریسٹ کی پیشکش نہیں ہوئی، عرفان صدیقی

آج کا اخبار
اہم خبریں
02 مارچ ، 2025
اسلام آباد، راولپنڈی (نمائندہ خصوصی، سٹاف رپورٹر) سینٹ میں پاکستان مسلم لیگ (ن) پارلیمانی پارٹی کے لیڈر اور خارجہ امور کمیٹی کے سربراہ سینیٹر عرفان صدیقی نے کہا ہے کہ امریکی میگزین ’’ٹائم‘‘ میں شائع ہونے والا عمران خان کا مضمون، عالمی سطح پر پاکستان کے چہرے پر کالک تھوپنے کی انتہائی قابل مذمت کوشش ہے،عمران کو کبھی جیل سے ہائوس اریسٹ کی پیشکش نہیں ہوئی۔ سوشل میڈیا ’’ایکس‘‘ پر بیان میں مسلم لیگ (ن) کے رہنما نے کہا کہ حکومت، عدلیہ، مسلح افواج اور تمام دوسرے اداروں پر بے بنیاد الزامات عائد کرتے ہوئے پاکستان کی صورتحال کو ’’سیاہ عہد‘‘ قرار دیا گیا ہے۔ انہوں نے کہا کہ مضمون میں یہ جھوٹا، غلط اور بے بنیاد دعویٰ بھی کیا گیا ہے کہ مذاکراتی عمل کے دوران انہیں (عمران خان کو) اڈیالہ جیل سے نکال کر ہاؤس اریسٹ کی پیشکش کی گئی تھی۔ سینیٹر عرفان صدیقی نے کہا کہ اُنہیں (عمران خان کو) کسی بھی مرحلے پر سرے سے ایسی کوئی پیشکش نہیں کی گئی۔
اہم خبریں سے مزید