فرمان الہی
نماز کے اوقات
کراچی(اسٹاف رپورٹر) پاکستان رینجرز اورسی ٹی ڈی پولیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقے ملیر سے مبینہ طور پر سیکیورٹی فورسز کے خلاف متعد د عسکری کاررائیوں میں ملوث بلوچ ریپبلکن آرمی سے تعلق رکھنے والے انتہائی مطلوب ملزم زبیر احمد عرف زبیو کو گرفتار کر کے اسلحہ و ایمونیشن برآمد کر لیا ، ترجمان سندھ رینجرز کے مطابق ملزم تمپ بلوچستان کا رہائشی، 2016میں بی آر اے کے کمانڈر زرین عرف کرنٹ کے گروپ میں شمولیت مکران بلوچستان سے 6ماہ کی عسکری تربیت حاصل کی۔ ابتدائی تفتیش کے مطابق ملزم نے اپنے دیگر ساتھیوں بشمول کمانڈر زرین عرف کرنٹ کے ساتھ مل کر سیکیورٹی فورسز کے خلاف متعدد عسکری کارروائیاں کیں اور سیکیورٹی فورسز کو بھاری نقصان پہنچایا، ملزم 2016سے 2019تک بلوچستان میں انتہائی سرگرم رہا اور گرفتار ی سے بچنے کے لئے 2020میں دبئی فرار ہو گیا اور بیرون ملک سے اپنا نیٹ ورک چلاتا اور BMOکے لیے فنڈنگ اور متعد د افراد کی ذہن سازی بھی کرتار ہا، ملزم حال ہی میں دبئی سے کراچی پہنچ کر اپنا گروپ منظم کر کے دہشت گردی کی منصوبہ بندی کر رہا تھا ۔
