• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور میں گرینڈ آپریشن گرفتاریاں گاڑیوں کے چالان تھڑے مسمار کر دیے گئے

میرا شہر
پشاور
09 مارچ ، 2025
پشاور (لیڈی رپورٹر) ضلعی انتظامیہ پشاور نے کیپٹل میٹروپولیٹن حکام، پولیس اور ٹریفک پولیس کے ہمراہ تجاوزات کے خلاف گرینڈ آپریشن کرتے ہوئے 77 افراد کو گرفتار کر لیااور 27 دکانیں سیل دیں صوبائی حکومت کے احکامات کی روشنی میں ضلعی انتظامیہ پشاور نے عوامی شکایات پر قصہ خوانی، چوک یادگار، گھنٹہ گھر، ہیری ٹیج ٹریل، کریم پورہ، ڈبگری گارڈن، خیبر بازار، شعبہ چوک اور دیگر بازاروں میں تجاوزات کے خلاف بڑے پیمانے پر آپریشن کیا گیا۔ آپریشن کے دوران دکانوں سے باہر سڑکوں اور فٹ پاتھوں پر سامان رکھنے، تجاوزات قائم کرنے اور غیر قانونی تعمیرات میں ملوث دکانداروں کے خلاف سخت کارروائی عمل میں لائی گئی ضلعی انتظامیہ کی تین خصوصی ٹیموں نے مختلف بازاروں میں تجاوزات مافیا کے خلاف مؤثر کارروائی کرتے ہوئے دکانوں سے باہر رکھا گیا سامان اور دیگر تجاوزات سرکاری تحویل میں لے لیا۔ اس آپریشن میں دکانداروں کو سختی سے تنبیہ کی گئی کہ وہ مستقبل میں تجاوزات قائم کرنے سے باز رہیں، بصورتِ دیگر مزید سخت کارروائی عمل میں لائی جائے گی۔ متعدد گاڑی مالکان کو موقع پر ہی جرمانے عائد کیے گئے، تاکہ ٹریفک کی روانی کو بہتر بنایا جا سکے اور عوام کو درپیش مشکلات کم کی جا سکیں۔آپریشن کے دوران درجنوں دکانوں کی غیر قانونی تعمیرات کو بھی مسمار کر دیا گیا، جو نہ صرف تجاوزات بلکہ آمدورفت میں بھی شدید رکاوٹ پیدا کر رہی تھیں۔
پشاور سے مزید