• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستانی لڑکیوں کو چین سمگل کرنیوالے گروہ کے 3 ملزم گرفتار

میرا شہر
اسلام آباد
10 مارچ ، 2025
راولپنڈی (سٹاف رپورٹر)ایف آئی اے امیگریشن نےپاکستانی لڑکیوں کو شادی کا جھانسہ دے کر چین سمگل کرنیوالے گروہ کے 3 ملزموں کو گرفتار کرلیا، اسلام آباد ائرپورٹ پر کارروائی کرتے ہوئے فیڈرل انوسٹی گیشن ایجنسی نے پاکستانی لڑکیوں کی چین سمگلنگ میں ملوث منظم گروہ کے ملزمان شوگئی (یوسف) ، عبد الرحمٰن اور محمد نعمان کو حراست میں لے لیا،گرفتار ملزمان کے ساتھ شادی کے نام پر سمگل کی جانے والی متاثرہ لڑکی کو بھی حراست میں لے لیا گیا،ابتدائی تفتیش کے مطابق مذکورہ ایجنٹس پاکستانی لڑکیوں کو ملازمت دلوانے کیلئے چینی شہریوں کیساتھ شادی کروانے میں ملوث پائے گئے ،ایف آئی اے حکام کاکہنا ہے کہ مذکورہ منظم گینگ میں متعدد خواتین بھی شامل ہیں، ملزمان غریب اور ضرورت مند لڑکیوں کو تلاش کرتے اور ان کو چینی شہریوں کے ساتھ شادی پر آمادہ کرتے تھے،بعد ازاں ملزمان ان لڑکیوں کا ڈیٹا اور دستاویزات عبد الرحمٰن اور محمد نعمان نامی ایجنٹوں کو دیتے، ملزمان عبد الرحمٰن اور محمد نعمان چینی ایجنٹ پاول کے ساتھ ساز باز کرتے اورپاول نامی ایجنٹ بھاری رقوم کے عوض چینی کلائنٹ کا بندوبست کرتا،ملزمان عبد الرحمٰن اور نعمان پاکستانی لڑکیوں کے سفری دستاویزات تیار کرواتے اور دیگر سہولت کاری بھی کرتے ،ملزمان نے متاثرہ لڑکی کی والدہ سے 10 لاکھ روپے میں معاملات طے کرکے ڈیڑھ لاکھ روپے کی ادائیگی کی۔
اسلام آباد سے مزید