فرمان الہی
نماز کے اوقات
اسلام آباد(طاہر خلیل) ذرائع کے مطابق آئین کے آرٹیکل215 فور کے تحت کمشنریا ممبر الیکشن کمیشن کی خالی آسامی 45 دن میں پر ہونا ہوتی ہے، حکومتی ذرائع کہتے ہیں کہ 26 ویں آئینی ترمیم کے بعد الیکشن کمشنریا رکن نئی تقرری تک عہدے پر رہیں گے ، کسی ممبر کے استعفے، انتقال یا نااہلیت پر 45 دن میں سیٹ کا پر ہونا آئین کے تحت لازم ہے تاہم موجودہ حالات میں یہ نشستیں خالی تصور نہیں کی جا سکتیں،حکومتی ذرائع کا مزید بتانا ہے کہ آئین کے آرٹیکل 215 (4) کے ذریعے 45 دن کی مدت موجودہ حالات میں لاگو نہیں ہوتی،واضح رہے کہ رواں برس 26 جنوری کو چیف الیکشن کمشنر سکندر سلطان راجہ اور الیکشن کمیشن کے دو ارکان نثار احمد درانی اور شاہ محمد جتوئی کی مدت ملازت باضابطہ طور پر ختم ہو چکی ہے تاہم آئین کے آرٹیکل 215 (1) میں حالیہ ترمیم کے تحت تینوں ارکان اپنی خدمات جاری رکھیں گے جب تک کہ انکے متبادل کی تقرری نہ ہو جائے۔
