فرمان الہی
نماز کے اوقات
کامونکی(نامہ نگار) میاں بیوی نے مبینہ تشدد کے بعد زبردستی زہریلی گولیاں کھلا کر گھریلو ملازمہ کو قتل کردیا، سولہ سالہ فضا ء اپنی والدہ بلقیس کے ہمراہ ایک گھر میں ملازمت کرتی تھی،مقدمہ درج، چھاپے،بتایا گیاہے کہ شیخوپورہ کے علاقہ رحمان پورہ کی سولہ سالہ فضا ء اپنی والدہ بلقیس بی بی کے ہمراہ موڑ ایمن آباد کے نزدیک نجی ہاؤسنگ سوسائٹی کے ایک گھر میں ملازمت کرتی تھی،چند روز قبل فضاء کی ماں اُسے اکیلا چھوڑ کر اپنے گھرشیخوپورہ چلی گئی تو مالکان چھوٹی چھوٹی غلطیوں پر اکثر اُسے تشدد کا نشانہ بنانے لگے۔گذشتہ روز بھی کسی بات پر محمد صالح بٹر اور اُسکی اہلیہ مسرت بی بی نے مبینہ طور پر تشدد کرکے بعد زبردستی زہریلی گولیاں کھلادیں۔حالت غیر ہونے پر اُسے ڈسٹرکٹ ہیڈ کوارٹر ہسپتال پہنچایا گیا لیکن وہ جانبر نہ ہوسکی، لواحقین نے نعش پوسٹمارٹم کے بعد سُپردِخاک کردی، ایمن آباد پولیس نے مقتولہ کی والدہ بلقیس کی مدعیت میں مقدمہ درج کرکے فرار ملزمان کی تلاش شروع کردی ہے۔
