• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بیڈمنٹن ورلڈ فیڈریشن نے لیول ون کورس کوچنگ کا آغازکردیا

میرا شہر
پشاور
19 مارچ ، 2025
پشاور (خصوصی نامہ نگار) خیبر پختونخوا میں بیڈمنٹن ورلڈ فیڈریشن کی جانب سے پہلی دفعہ لیول 1 کورس کی کوچنگ کا آغاز کر دیا گیا۔ وزیر کھیل اور امور نوجوانان سید فخر جہان نے ڈائریکٹوریٹ جنرل سپورٹس پشاور میں کوچنگ کورس کا افتتاح کیا ۔ اس موقع پر ڈائریکٹر جنرل سپورٹس عبدالناصر خان اور پاکستان بیڈمنٹن فیڈریشن کے صدر واجد علی چوہدری بھی موجود تھے۔ خیبر پختونخوا میں اس تربیتی کورس کا اہتمام صوبائی وزیر کھیل سید فخر جہان کی سرپرستی میں ڈائریکٹوریٹ جنرل سپورٹس خیبر پختونخوا اور خیبر پختونخوا بیڈمنٹن ایسوسی ایشن کے تعاون سے کیا گیا ۔ ملائیشیاء سے آئے بیڈمنٹن ایشیاء کے Sembenthan Sivaperumal پاکستانی کوچز کو جدید بیڈمنٹن کوچنگ تکنیک کے متعلق اگاہی دیں گے اور یہ کورس منعقد کریں گے۔اس طرح ملک بھر سے تقریباً 15 افراد اس تربیتی کورس میں حصہ لے رہے ہیں جن میں خیبر پختونخوا، پنجاب، پاکستان آرمی، پاکستان ریلوے، اسلام آباد اور پاکستان واپڈا کے بیڈمنٹن سے وابستہ بہترین افراد کا چناؤ کیا گیا ہے۔ سید فخر جہان نے ملائیشیاء سے ائے بیڈمنٹن ایشیاء کے مہمان اور پاکستان بیڈمنٹن فیڈریشن کے صدر کا شکریہ ادا کیا جنہوں نے یہ کورس خیبر پختونخوا میں کرانے کا اہتمام کیا۔ تربیتی کورس کے ذریعے مقامی کوچز مختلف تکنیک سے آراستہ ہو سکیں گے جو صوبے میں بیڈمنٹن کے کھلاڑیوں کی تربیت کیلئے بہترین موقع ہے، صوبے میں ہماری ترجیح تمام کھیلوں کے فروغ پر مرکوز ہے حکومت اس سلسلے میں ہر طرح سے اقدامات اٹھا رہی ہے۔
پشاور سے مزید