• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

طلبہ فیس کی آسان ادائیگی کیلئے نادرا اور ایس ایس یو ای ٹو میں معاہدہ

میرا شہر
اسلام آباد
20 مارچ ، 2025
اسلام آباد ( نمائندہ خصوصی ) نادرا ٹیکنالوجیز لمیٹڈ (این ٹی ایل) اور سرسید یونیورسٹی آف انجینئرنگ اینڈ ٹیکنالوجی (ایس ایس یو ای ٹی) کراچی نے ایک معاہدے پر دستخط کئے ہیں جس کی بدولت طلبہ فیس کی آسان ادائیگی اور بائیومیٹرک تصدیق کی سہولیات سے فائدہ اٹھا سکیں گے۔ معاہدے کے تحت سرسید یونیورسٹی کے طلبہ اب ملک بھر میں نادرا ای سہولت کے 21 ہزار سے زائد فرنچائزیز پر اپنی فیس جمع کرا سکتے ہیں۔ معاہدے میں یونیورسٹی کو بائیومیٹرک تصدیق کی خدمات کی فراہمی بھی شامل ہے جس کی بدولت داخلے کے ساتھ ساتھ ڈگریوں اور ٹرانسکرپٹس کے اجراء کی کارروائی کو محفوظ اور تیز بنانے میں مدد ملے گی۔ یونیورسٹی کیمپس میں ہونے والے اس معاہدے پر سرسید یونیورسٹی کے رجسٹرار انجینئر سید سرفراز علی اور نادرا ٹیکنالوجیز کے سربراہ جناب عرفان انور نے دستخط کئے۔
اسلام آباد سے مزید